O Dapge Dɔɔ̄ O Sɔ̄ le O Mɛm Ni?

Dookɛ̄ Aisaia bee kɔ doo, i gaa muɛ kɛ̄ bɔŋanaloo Jɛhova a le a nyɔɔ kɛnɛkɛ̄ gaa nyim yii loo doo. (Ais 54:2) Lo ama doo kɔ i ɛrɛ ebɛɛ̄ lo ewu pya aā Tɔ Nɔnu Buɛ̄-mɛnɛ, Asɛmbli Hall, le tɔ naa tam. Sɔ̄ elua ewu sah, lu ebɛɛ̄ kɔ i kwaloo lokwa a bia le, e pio ɛɛ ɛrɛ elu esikɛ̄ wu. Bu mɛ sīdee na lo ama dap i kpaāna dee nɛ lo edɔɔ i sɔ̄ le i mɛm nɛ Jɛhova ani?

• I dap sudɔ bu sɔ̄ alu enɔɔ kɔ ilii eku na ekwa Tɔ Nɔnu Buɛ̄-mɛnɛ a

• I dap su loo nɛ kɔ alu ekpɔā i lokwa i kwa Tɔ Nɔnu Buɛ̄-mɛnɛ doo kɔ a bia le

• I dap bii bah tɛ̄ kpa a kura Local Design/Construction Volunteer Application (DC-50) lo eyerebah nɛ eku a gaa wu be ba naa binia aa kɛ̄ i tɔɔ̄

• I dap bii bah tɛ̄ kpa a kura Application for Volunteer Program (A-19) sa su loo nɛ lo eyerebah si tam Bɛtɛl ale dɔɔ̄na gah a le kɛ̄ i tɔ naa tam gaa kuūdɛɛloo loo ziī kaɛ ale eewo

SI EE VIDIO A KURA GAA LU ENƆƆ AĀ TƆ A ELU EWU—SIGALOO, LƐƐ BUI AGARA PYA EBIP A NYƆƆNƐ AMA:

• Amunu nyim yii loo na a gaa kiisī bu sīdee alu esu vidio daānu aāge bu zua 2014 a?

• Lokwa a dap lu e’ɛrɛ vidio a i bɛɛ̄ bu i taāŋabah, e na elua enɔɔ a, e mɛ sɔ̄ na elua enɔɔ kɔ elu ebɔātɛ̄ lo tam le sɔ̄ e’ina kuma a?

• Bu mɛ sīdee na pya a gbī esu loo nɛ dap yerebah bu esiatam ama a?

• Lo i gbī eyerebah loo tam wu be bie Ramapo, e na anua i bii bah tɛ̄ kpa a kura DC-50 sa yerebah nɛ pya Local Design/Construction a le waɛloo kɛ̄ i tɔɔ̄ ani?

• E na a tɔgɛ kɔ Jɛhova gaa baɛ bee tam ama a?

• Bu mɛ sīdee na i dap yere kpotɛ̄ tam wu be ama a, kere ii dap sudɔ bu wuwu ani?