I Tɔgɛ Wereloo Tɛ̄maloo Eyere Kpotɛ̄ Kakamɛnɛ a Aabah Jɛhova

Kpo nɛɛ a doo pɔrɔ lɛɛ bu bɔŋanaloo kpega bɔŋanaloo sa kamɛnɛ nɛɛ a doo pɔrɔ. (1 Kɔr 5:6, 11) Sɔ̄ i yere kpotɛ̄ kakamɛnɛ a aabah Jɛhova, i tɔgɛ wereloo. Tɛɛ̄ doodoo wa lu kaka doowo kuma sɔ̄, sɔ̄ alu ekpo ziī nɛɛ, a wee nua ezialoo loo lo nɛɛ le pya ye butɔ gbaā nage loo pya a biaɛ lo ue a?

Lo a eetɔɔ̄, i tɔgɛ wereloo kumaloo bee Jɛhova le ye daakuu a le kaɛ. (1 Pita 1:14-16) I tɔgɛ nage wereloo kumaloo nɛɛ a bee lu ekpo a. Kakamɛnɛ ziloo nɛɛ, mɛ a dap “mum le bee efɛɛloo kaāna dogo.” (Hib 12:5, 6, 11) Lo i nyɔɔnɛ nɛɛ alu ekpo lɛɛ bu bɔŋanaloo ale nɛɛ a ɔbɛ etaāŋabah Jɛhova dania nu i gbanasī kpɔte a aabah Jɛhova. Nyɛŋiabu kɔ, Jɛhova wee kamɛnɛ pye ye nɛɛ ‘mmɛ kuma kɛ̄ a bɔloo doo.’ (Jer 30:11) Kuma sɔ̄ i yere kpotɛ̄ kakamɛnɛ a aabah Jɛhova sa kiisī lo e’agɛrɛtɛ̄ gbanialoo i ye ɛrɛ kumaloo, i kiisī lo ebɛābu kɔ lo nɛɛ e’obia lu loo i Tɛ a ɛrɛ toesaɛ̄.—Ais 1:16-18; 55:7.

SI EE VIDIO A KURA KIISĪ LO ETƆƆ̄ AGARA TƐ̄MALOO DƐ̄DƐƐ̄ O BEENYIƐ, LƐƐ BUI AGARA PYA EBIP A NYƆƆNE AMA:

• 

  A wee tɔɔ̄loo tɛ le ka ba lu Nɛɛ Kraist doodoo wa sɔ̄ wa nwiī aaloo etaāŋabah Jɛhova?

• 

  Bu mɛ sīdee na bɔŋanaloo dap yerebah nɛ pya a lege bu yira a nuuna butɔ nɛɛ alu ekpo a?

• 

  Amunu e’ɛma a le bu Baibol na a i tɔgɛ kɛ̄ alu gbɛnɛ doo lo etɔɔ̄ agara nɛ Jɛhova ee kɛ̄ i tɔɔ̄nɛ i butɔ doo ani?

• 

  I tɔgɛ kɔ i tɔɔ̄ agara nɛ Jɛhova agatɛ̄ ee lo i butɔ doodoo wa?