O Gbīge Eyere Bee Loo Tɔkpa a le Nɛ Pya Zue Ue Buɛ̄-mɛnɛ Ni?

E kɔ o elua 23 sa aa kii 65 zua sa le bu tam mmɛ sɔ̄ ni? O lege bu nwanaloo, e o dapge sitam ɛrɛgeba kɛ̄ gbɛnɛ ebɛɛ̄ le ni? Lo a le o ture lu aiī, o ekɛɛrɛge kɔ o yeree bee loo Tɔkpa a le Nɛ Pya Zue Ue Buɛ̄-mɛnɛ ni? Aā sɔ̄ lo tɔkpa bee bɔātɛ̄, booboo pya e’iya sa ii le pya wuga nɛɛdam le nɛɛwa ba le aba aba eyere bee. Kerewo, i gbī gbɛnɛkpo pya wuga a le aba aba kɔ ba a yere bee. Bara Jɛhova kɔ a nyimɛ o taɛ yere loo lo edoo nu a ye nia sa nɔ ye Nwiīnɛɛdam. (Yɔɔ 40:8; Mat 20:28; Hib 10:7) Lɛɛ o kɛɛrɛ pya sīdee ekpuree tam o gaa si lokwa o nyim tura.

Pya amunu dee esiatam na ekpaā nɛ pya elua ekpɔā aā tɔkpa ama a? Pio aba elua eyere ture kɛ̄ ba kɔ dɔɔ̄na muɛ ue loo tam zue ue ale kɔ ba a sudɔ bu keebee tam zue ue kɛ̄ pya nɛɛ mma. Pya lo dɔɔ̄na sitam doodoo nɛɛ yerebah nɛ nɛɛ kuūdɛɛ̄loo sɛkuit, ale ba lu pya kuūdɛɛ̄loo sɛkuit ale pya a sitam buɛ̄-mɛnɛ aa ziī edo yii ziī. Kuma sɔ̄ o gaa kɛɛrɛ nu akiiloo sitam nɛ Jɛhova a, naale bee o ekɛɛrɛ bee lo nɛɛ mɔmanudɛɛ̄ Aisaia a kɔ: “M le a kɛ̄ ama! Lɛɛra mɛ!”—Ais 6:8.

SI EE VIDIO A KURA PYA ZUE UE AA ZIĪ KƐ̄ YII ZIĪ—PYA A GAA GBĪNU AĀ WII, LƐƐ BUI AGARA PYA EBIP A NYƆƆNƐ AMA:

• 

  Lu esagɛ pya zue ue aa ziī kɛ̄ yii ziī doodoo wa?

• 

  Amunu le tam na pya zue ue aa ziī kɛ̄ yii ziī aa si a?

• 

  Pio amunu leelee na a le bu zue ue aa ziī kɛ̄ yii ziī a?