Kɔnvɛnsɔn Bu Ziī Ziī Zua—Lu Dee A I Kpaā Nɛ lo Etɔgɛ Wereloo

E na anua kɔnvɛnsɔn ziī ziī zua wee i kpeloo kaāna ani? Dookɛ̄ a wee le doo loo pya Izrɛl a kere, kɔnvɛnsɔn bu ilii sɔ̄ ama kpaāna dee i nɛ lo egbaaloo booboo pya i wuga bu yira taāŋabah Jɛhova. I ɛrɛ ekpeloo bu keekee bee nuede bu edɔɔ̄ alu enɛ i. Gbaāloo wo, bu i ɛɛ sɔ̄ i nyɔɔnɛ pya i butɔ le pya i gbo tɔɔ̄ kpaɛ̄ ziī. Kɛ̄ i tɔgɛ nia loo doo zū i kɔ i si taa biradee kɔnvɛnsɔn.

Sɔ̄ i ɛrɛ dee a i kpaānɛ lo egbaa bɔŋia, lee kɔ i kɛɛrɛ nu akiiloo kɛ̄ i tɔgɛ wereloo kumaloo pya dɔɔ̄na doo naale aba ilii loo. (Gal 6:10; Hib 10:24, 25) Sɔ̄ i kpaāna bū nɛ wuga nɛɛdam ale wuga nɛɛwa kɔ a tɛɛ̄ ale ii sere nu kɛ̄ pya dɔɔ̄na ebee ɛŋɛtɛ̄, i tɔgɛ kɔ i gaa gbī nu elee loo pya dɔɔ̄na. (Fil 2:3, 4) Kɔnvɛnsɔn kpaāna dee i nɛ lo e’ɛrɛ pya aā gbo. Lɛɛ lo doonu a ebɔātɛ̄ ale sɔ̄ e’ina kuma le sɔ̄ seea sɔɔ̄pie, dap lu sɔ̄ i nyɔɔnɛ pya i sii bee suāloo kɔnia ue. (2 Kɔr 6:13) Pya gbo i ɛrɛ sɔ̄ kɔnvɛnsɔn dap tɔɔ̄ mmɛ deedee! Lo a eetɔɔ̄, sɔ̄ pya dɔɔ̄na muɛ i dogo wereloo, ba dap biaɛfii lo enyɔɔnɛ i taāŋabah Jɛhova.—Jɔn 13:35.

SI EE VIDIO A KURA “WERELOO NAA WEE DƆ LƆGƆ SƆ̄”! INTERNATIONAL KƆNVƐNSƆN, LƐƐ BUI AGARA PYA EBIP A NYƆƆNƐ AMA:

• 

  Bee lu etɔgɛ wereloo kumaloo pya a aa dɔɔ̄na edo lu international kɔnvɛnsɔn bu zua 2019 doodoo wa?

• 

  E na anua gbaaloo le wereloo a le yɛɛ pya nɛɛ Jɛhova lu keebee a?

• 

  Amunu dua wereloo pya Nɛɛ Kraist na Eku A Baɛbee bee kɔ ue nyɔɔ a?

• 

  Bu mɛ sīdee na wereloo pya Nɛɛ Kraist li Germany le South Korea doo kɔ gbaaloo a le wa yɛɛ a?

• E na i biaɛfii lo edoo a?