Tɔgɛ Wereloo Bie O Butɔ

Wereloo lu nu a bɔp butɔ loo ziī. Lo ziī butɔ naa ɛrɛ wereloo, e’aga e’ɛrɛ gbaaloo bu lo tɔ sa ba naale edap gbabee bah ziī. Bu mɛ sīdee na pya dam, pya wa, le pya tɛ le ka etɔgɛ wereloo bu wa tɔ a?

Dam a ɛrɛ wereloo esuā ebɛɛ̄ ye wa, kɛ̄ a ɛp nu doo le kɛ̄ nu ye tɔɔ̄loo doo. (Ɛfɛs 5:28, 29) E kuūdɛɛ̄loo ye butɔ bu namloo le bu edɔɔ̄, gbaāloo nyɔɔnɛ pya ye tɔ ɛrɛ enɔānu butɔ eree sɔ̄ loo. (1 Tim 5:8) Wa a ɛrɛ wereloo etɔɔ̄ kɛɛ̄ ye dam sa ɛrɛ toga toga “enwadɛɛ̄” kumaloo ye dam. (Ɛfɛs 5:22, 33; 1 Pit 3:1-6) Dam le wa ɛrɛ ekpɛ̄naloo e’aaloo nɛ ziī aābu wa beenyiɛ. (Ɛfɛs 4:32) Pya tɛ le ka a ɛrɛ wereloo etɔgɛ nia bu ziī ziī pya wa miɔŋɔ sa wa tɔgɛ kɔ ba a wereloo Jɛhova. (Deut 6:6, 7; Ɛfɛs 6:⁠4) Amunu finiabah na pya wa miɔŋɔ aa kpesī bie tɔkpa a? Ba doodoo wa dap be eebah ezū a aabah pya wa koo ni? Sɔ̄ wereloo le butɔ dɛ̄dɛɛ̄ pya lo butɔ wee le bu kpoogaloo sa ɛrɛ gbaaloo.

SI EE VIDIO A KURA TƆGƐ WERELOO A NAA WEE DƆ LƆGƆ SƆ̄ BIE O BUTƆ, LƐƐ BUI AGARA PYA EBIP A NYƆƆNƐ AMA:

• 

  Mɛ sīdee na dam a wereloo ye wa ekuū ye dɛɛ̄loo sa ye ɛrɛ nia bu a?

• 

  Wa a ɛrɛ wereloo etɔgɛ toga toga enwadɛɛ̄ kumaloo ye dam doodoo wa?

• 

  Bu mɛ sīdee na pya tɛ le ka a ɛrɛ wereloo efoh Muɛ̄ Ue Bari bu pya wa miɔŋɔ ani?