Dɛ̄dɛɛ̄ Taāŋa Ɛrɛge E’ina Kuma

Taāŋa dap doo kɔ i nwaabah ɛrɛ e’ɔaloo, eetɔɔ̄ na sɔ̄ a tɔɔ̄ bu nyɔɔnyɔɔ sɔ̄. Devid bee suā kɔ taāŋa Mɛnɛ Sɔɔl aa bee ye nɛe gaa le ina kuma ziī dee, le kɔ a gaa le lue mɛnɛ dookɛ̄ Jɛhova ebee yira yiiloo doo. (1 Sam 16:13) Yira Devid ɛrɛ bee doo kɔ a egerebu sa tɔɔ̄ baɛ Jɛhova.

Sɔ̄ i le bu taāŋa, i dap su suānu le ekɛɛrɛ daānu lo enyaana i kɛ̄tɔɔ̄. (1 Sam 21:​12-14; Kam 1:⁠4) Kerewo, siga taāŋa dap lege aa kiisī kere i edoora dɛ̄dɛɛ̄ nu i dap doo a dɛɛa nyɔɔ Baibol lo ekwa lo taāŋa. Lo a sira doo wo, i ɛrɛ e’egerebu sa tɔɔ̄ baɛ Jɛhova. Sɔ̄ sɔ̄ naale ebinia, a gaa le lɛɛ dɛ̄dɛɛ̄ tɔga, sa “siŋana dɛ̄dɛɛ̄ maato” i lɛɛ dɛɛ̄. (Mum 21:⁠4) Kere dɔɔ̄na nu, ale Jɛhova na a doo kɔ i taāŋa a ina kuma a, ziī nu i suā kaāna na kɔ: Dɛ̄dɛɛ̄ taāŋa ɛrɛge e’ina kuma. Ue ama dap i nɛ egbɔ̄nyiɛ.

SI EE VIDIO A KURA PYA A GBAALOO ZIĪ BU NYƆUWE A POOA, LƐƐ BUI AGARA PYA EBIP A NYƆƆNƐ AMA:

• Pya amunu taāŋa na pio pya wuga a le dee kerekɛ̄ loo United States bee kpesī a?

• Mɛ sīdee na ba bee tɔgɛ egerebu le wereloo a?

• Mɛ sīdee na ba bee sere ekɛɛrɛ nyɔɔ “nu a lee kaāna” a?—Fil 1:10