TƆƆ̄DUM DOODOO PYA NƐƐ KRAIST
Ɛp Aba Ɔɔ Dookɛ̄ Jɛhova A Ɛp Doo
“Jɛhova ɛrɛ ɛɛbu loo pya ye nɛɛ.” (Yɔɔ 149:4) Kereadoo i lu pya a naa mmana, Jɛhova muɛ pya le elap a i le bu le pya nu i dap doo li deesī. Siga sɔ̄, a dap i agabah lo emuɛ pya le elap ama bu aba ii. I dap kɛɛrɛ kɔ ii le e dɛɛ̄ lɔgɔ nu nyɔɔ kɛ̄ pya dɔɔ̄na i aara doo. Ale lo i su nyiɛ i bie nyɔɔ pya ekwɔ i bee tɛɛ̄ sɔ̄ akii adumɛ, i dap bɔātɛ̄ ekɛɛrɛ lo a le Jɛhova werege i loo naa e. Ena edap i yerebah nɛ sɔ̄ i ɛrɛ dua ekɛɛrɛ ama ani?
Nyɛŋiabu kɔ Jɛhova muɛ nu pya miɔŋɔ nɛɛ naa dap muɛ. (1 Sam 16:7) Lo ama kura kɔ a muɛ nu ili ii dap muɛ bu aba ii. Bu i ɛɛ kaāna kɔ Baibol yerebah i nɛ kɔ i dābeeloo kɛ̄ Jɛhova i ɛp doo. I dap dābeeloo lo ama sɔ̄ i buū keekee dɔ a le bu Baibol le e’ɛma a kɔ nu akiiloo kɛ̄ Jɛhova wereloo pya a ye taāŋabah doo.
SI EE VIDIO A KURA YIGA AĀBU O BEENYIƐ KƆ JƐHOVA WERELOO A LOO, LƐƐ BUI AGARA PYA EBIP A NYƆƆNƐ AMA:
Ena edoba akiiloo nɛɛ teera tee i muɛ bu vidio ama le ye tɛ i tɔgɛ akiiloo kɛ̄ Jɛhova i ɛp doo a?
Lo ziī nɛɛ a bee si e’agabah pɔrɔ doo pya nu a bɔloo lo ekwa ye gbānialoo kiikɛ̄ Jɛhova le, bu mɛ sīdee na lo nɛɛ eyiga kaāna aābu ye beenyiɛ kɔ Jɛhova weree ye loo a?—1 Jɔn 3:19, 20
Amunu biī na lo wuga nɛɛdam bee ɛrɛ sɔ̄ a bee buū sa ɛrɛ ekɛɛrɛ nyɔɔ nu akiiloo Devid le Jehoshafat a?