O Dap Doo Kɔ Ɛɛbu A Le O Butɔ A Nyim Yiiloo

Jɛhova gbī kɔ pya butɔ a le bu ɛɛbu. (Yɔɔ 127:​3-5; Eklis 9:9; 11:⁠9) Kerewo, epiaga a le bu lo nyɔuwe ama le tɛɛ̄ ekwɔ a aabah pya i butɔ dap doo kɔ i peere i ɛɛbu. Ena ziī ziī pya a le butɔ dap doo lo edoo kɔ ɛɛbu a le wa butɔ a sikɛ̄ yiiloo a?

Alu toh a le bee dam kɔ a yere ka loo ye wa. (1 Pit 3:⁠7) Dam esu gbɛnɛ-edo sɔ̄ tɔma kpaɛ̄ ye wa. Naale e’ɛmadɛɛ̄ kɔ ye wa a doo nu a naale edap doo, e a etɔgɛ kɔ bu ye ɛɛ loo nu ye wa aa ye doo nɛ le nu aa doo nɛ wa butɔ. (Kɔl 3:15) Dam etɔgɛ ye wa kɔ a weree ye loo sa ye leera.​—⁠Kam 31:​28, 31.

Alu toh a le bee wa kɔ a yerekpotɛ̄ ye dam. (Kam 31:12) Wa esu loo serekɛɛ̄ ye dam sa ye gbabeebah. (Kɔl 3:18) Ekɔ ue ye nɛ bu fɛgɛ, sa kɔnage nu a ye kiiloo nɛ pya dɔɔ̄na bu fɛgɛ.​—⁠Kam 31:⁠26.

Alu toh a le bee tɛ le ka lo esu sɔ̄ tɔma kpaɛ̄ pya wa miɔŋɔ. (Deut 6:​6, 7) Tɛ le ka a kɔ nɛ pya wa miɔŋɔ kɔ ba weree wa loo. (Mat 3:17) Ba enɛ wa zuurabahtɔ̄ bu wereloo.​—⁠Ɛfɛs 6:⁠4.

Alu toh a le bee gbomiɔŋɔ lo egbaɛ̄tɔ̄loo sa nɛ enwadɛɛ̄ wa tɛ le ka. (Kam 23:22) Ba edoo kɔ wa tɛ le ka a suā nu ba kɛɛrɛ, le kɛ̄ nu wa tɔɔ̄loo doo. Ba esu zuurabahtɔ̄ wa tɛ le ka wa nɛ, sa wa nɛ enwadɛɛ̄.​—⁠Kam 19:⁠20.

SI EE VIDIO A KURA DOO KƆ O BUTƆ A LE BU ƐƐBU, LƐƐ BUI AGARA EBIP A NYƆƆNƐ AMA:

Ena ziī ziī nɛɛ i muɛ bu vidio ama bee doo lo edoo kɔ ɛɛbu a le butɔ a?