TƆƆ̄DUM DOODOO PYA NƐƐ KRAIST
Pya Tɛ Le Ka—Yereaabah Nɛ Pya Bui Miɔŋɔ Kɔ Ba A Ɛrɛ Suānu Bari
Ziī sīdee a lee eera lo pya tɛ le ka dap yerebah nɛ pya wa miɔŋɔ kɔ ba a ɛrɛ suānu Bari na tɛ̄maloo eyerebah wa nɛ kɔ ba a ɛrɛ biī aāloo pya i enɔānu. Nu pya nwiī muɛ̄, dā, le sɔ̄ ba agara ebip bie pya i enɔānu dap wa yerebah nɛ kɔ ba a nɔ nu akiiloo Jɛhova sa lu ye le gbo. (Deut 31:12, 13) Lo o lu tɛ ale ka, bu mɛ sīdee na o dap yerebah nɛ o nwiī kɔ a ɛrɛ kaāna biī aāloo pya i enɔānu a?
Piiga lo esi enɔānu sī le sī.—Yɔɔ 22:22
Piiga lo enyɔɔnɛ pya o wuga nɛɛdam le nɛɛwa kɔnia pya ue eyere wa mɛmloo bie Tɔ Nɔnu Buɛ̄-mɛnɛ lɛɛ enɔānu gae bɔātɛ̄ le sɔ̄ enɔānu e’ina kuma.—Hib 10:25
Muɛ kɔ ziī ziī nɛɛ a le o butɔ ɛrɛ kpa elu enɔ bie enɔānu, ale lo a le bu fon ale lo a le bu ekpo
Yerebah nɛ o nwiī kɔ a kpɛ̄naloo ebip eture bie enɔānu sa naa buū aba taɛ kɛ̄ a le bu kpa doo.—Mat 21:15, 16
Kɔ lele nu akiiloo pya i enɔānu le pya nu olo enɔā aā pya lo enɔānu
Yerebah nɛ pya o miɔŋɔ kɔ ba a wee doo pya nu a le doodoo kwaloo i Tɔ Nɔnu Buɛ̄-mɛnɛ le nyɔɔnɛ pya nama nɛɛ a le bu bɔŋanaloo kɔnia sɔh
Tam yerebah nɛ pya o miɔŋɔ kɔ ba a tɔɔ̄ waɛloo Jɛhova lu ziī tam a gbī epiaga, e a ɛrɛ pio sɔ̄ a dap bee kɔ a mma a. Mɛ suā leere kɔ Jɛhova e yerebah a nɛ.—Ais 40:29.
SI EE VIDIO A KURA PYA TƐ LE KA, DƐƐAA NYƆƆ JƐHOVA LOO YEREBAH, LƐƐ BUI AGARA PYA EBIP A NYƆƆNƐ AMA:
Amunu pah na e’ɔaloo a aaloo gbɛnɛ-edo nu edoo bee ɛrɛ nyɔɔ Zack le Leah a?
Ena anua alu ebɛɛ̄ kɔ pya tɛ le ka a bara yerebah le mɛm aābah Jɛhova a?
Bu pya amunu sīdee na Zack le Leah bee dɛɛa nyɔɔ Jɛhova loo yerebah a?