Ena Anua I Yaanu Leere Kuma I Enɔānu Ani?

Bu pya foto ale bu nwīekpo kpa ama o yerege nukuādɛɛ̄ loo kɛ̄ Pya Ekeebee Jɛhova wee yaanu leere doo sɔ̄ ba si bu pya wa Enɔānu ni? Ena anua i su ekɛɛrɛ nɛ̄ kɛ̄ i yaanu sa kwaa loo doo ani?

Loe nɛ̄ enwādɛɛ̄ ilii Bari. Alu kaka kɔ Bari ɛp yema nyɔɔ i mɛā le yaanu. (1 Samuel 16:7) Kerewo, sɔ̄ i gbaa bɔŋanaloo loe taāŋa ye ba, alu i taɛ lo etɔgɛ enwadɛɛ̄ ye kumaloo le kumaloo pya i wuga. Lo alu ekɔ i yira kɛ̄ sī nɛɛ̄ biaɛ bu tɔbiaɛ, i muɛ̄ kɔ i yaanu a tɔgɛ enwādɛɛ̄ loo ye dɔ. Nyɔwo, sīdee i yaanu bu pya i Enɔānu tɔgɛ ilii enwādɛɛ̄ kiiloo “nɛɛ̄ biaɛ lo dɛ̄dɛɛ̄ nyɔuwe,” Jɛhova Bari le kumaloo i kɛ̄ taāŋaba.—Jɛnɛsis 18:25.

Lo etɔgɛ dua dum i tɔɔ̄. Baibol yere mɛm loo Pya Nɛɛ̄ Kraist kɔ ba a yaanu “a wa bɔloo bu enwādɛɛ le ekɛɛrɛ a mma.” (1 Timɔti 2:9, 10) Yaanu “a bɔloo” kura kɔ i yaanu a naale edoo kɔ pya nɛɛ̄ a ɛp i nyɔbee adaba i loo sa ba muɛ̄ kɛ̄ i mɛā doo, lo edana taɛ makɛ̄, sa siā i kɛ̄ gɔā. Lo dɔɔ̄na, ɛrɛ “ekɛɛrɛ a mma” bu i yaanu yerebah inɛ̄ kɔ i sagɛ bɛloo a lee sa anaa lu lo enwadɛɛ̄ naale loo ale alu loa yee kɛ̄. Pya zuurabahtɔ̄ ama nɛ̄ dee gbɛnɛ-edo sagɛ su lo ziī ziī ii dap doo kiiloo i yaanu. Nyɔwo, i yaanu alee “yere ka loo tɔgɛnu Bari i Nɛɛ̄-kpɔā” sa “nɛ̄ka Bari.” (Taitɔs 2:10; 1 Pita 2:12) Yaanu a bɔloo kuma enɔānu ɛrɛ pah nyɔɔ kɛ̄ pya dɔɔ̄na ɛp taāŋaba Jɛhova doo.

Oa ie kɔ nu eyaa a kpaɛ̄ a lɛɛ loo esi enɔānu li Tɔ Nɔ̄nu Buɛ̄-mɛnɛ. O dap yaa bɛloo a ɛɛ sa bɔloo kere a naa si gbɛnɛ du.

• Kɛ̄ i yaanu doo kuī doodoo wa bu i taāŋaba Bari ni?

• I yaanu le kwaa loo dɛɛa nyɔɔ amunu tɔgɛnu Baibol?