Nyimɛ I Kari Bu Tam Zue ue—Tɔtɔgɛ Pya Nɛɛ I Gaa Nɔɛ̄ Nu Kɔ Ba A Kpɛ̄naloo

NU A NUA ALU EBƐƐ̄: Sɔ̄ pya nɛɛ o gaa nɔɛ̄ nu kpɛ̄naloo, ba edap dābeeloo sa nyɛŋiabu nu o gaa wa nɔɛ̄. Kuma kɛ̄ ba dābeeloo sa nyɛŋiabu nu o gaa wa nɔɛ̄ doo, kɛ̄ ba enyim nage kiisī doolo. Kere sɔ̄ ba eliamaā sah, lu ebɛɛ̄ kɔ ba a kpɛ̄naloo lɛɛ ba gae kii enɔānu le uwe zue ue lokwa ba “tɔɔ̄ baɛ.” (Mat 25:13) Nyɔɔwo susuā kɛ̄ enɔ nu doo le nɔ nu eree sɔ̄ loo gaa le dɔbiī wa nɛ bu dɛ̄dɛɛ̄ wa dee dum. Aā bɔātɛ̄, i ɛrɛ eyerebah nɛ pya i gaa nɔɛ̄ nu kɔ ba a wee kpɛ̄naloo lɛɛ a gae lu sɔ̄ i sikɛ̄ nɔ nu.

KƐ̄ EDOO DOO:

• 

  Tɔgɛ le edoba. (Rom 2:21) Kɛɛrɛ nu akiiloo nɛɛ o gaa nyɔɔnɛ nɔ nu sɔ̄ o gaa kpɛ̄naloo loo lo enɔānu. (km 11/15 3) Tɔgɛ ye pya kɛ̄ o bee niina nu kɛɛ̄ ye ture a le bu o kpa

• 

  Yere ye mɛm loo kɔ a kpɛ̄naloo. Aba sɔ̄ bui ebɔātɛ̄ lo enɔnu, doo kɔ a suā kɔ kpɛ̄naloo lɛɛ a gae nɔ nu lu ziī gah loo enɔānu Baibol, sa baatɛ̄ biī a le bu. Kɔ kɛ̄ enɔɔ̄ sɔ̄ nyɔɔ ye loo doo ye nɛ lokwa a dap kpɛ̄naloo leere. Pio nɛɛ tɔgɛnu wee lɛɛbaloo kɔ nɛɛ ba gaa nɔɛ̄ nu a su alaba kpa ba e ɛma nu bu a, lokwa a wa yerebah nɛ sa wa dɔbiī nɛ. Kaɛgɛ ye sɔ̄ a kpɛ̄naloo leere

• Tɔgɛ ye kɛ̄ ekpɛ̄naloo doo. Pio nɛɛ tɔgɛnu wee bagara nyɔɔnɛ nɛɛ ba gaa nɔɛ̄ nu dasī nɔ kɛ̄ ekpɛ̄naloo nu ba enɔ doo