“Kɛɛrɛbu Pya Lo Nu Ama”

Amunu nu? Pya Filipai 4:8 kɔ i kɛɛrɛbu pya nu a lu kaka, nu a bɔloo enwadɛɛ̄, nu a kaāna, nu a ɛɛ, nu a lee ereloo, nu a nɛ le kpɛa, nu a lee, le nu a bɔloo eleera. Bu kaka, naa lu ebɔp pya Nɛɛ Kraist bieloo kɛkɛɛrɛ aba nu a le bu Baibol dɛ̄dɛɛ̄ sɔ̄. Kerewo, nu i kɛɛrɛ bu beenyiɛ i a lu nu a nia Jɛhova. Aa lu nu edoo kɔ a aga i bah ebia bu bɔloo ture nyiɛ loo ye nɛ.—Yɔɔ 19:14.

Dap aga elɛɛ ekɛɛrɛ nyɔɔ nu a bee piya. I ɛrɛ ebebe loo pɔrɔ taɛ a i le bu sa benage be loo Setan lo a lu, “bari nyɔuwe ama.” (2 Kɔr 4:4) Nyɔnɛbee alɛ na a gaa baɛbee nu a le bu TV, ekpoyɔɔ, intanɛt, le kpa ebuū a, gbɛnɛ-edo nu a le bu dap i gbee. Lo ii nwaɛdɛɛ̄ loo pya nu i si ee sa buū, dap lu egbee i ekɛɛrɛ, sa sɔ̄ a esaa, a gbee i dogo.—Jem 1:14, 15.

SI EE VIDIO A KURA ƆBƐ PYA NU EDOO KƆ O AA TƆƆ̄ AGARA—PƆRƆ SĪDEE ƐĀ EKPELOO, LƐƐ BUI AGARA PYA EBIP A NYƆƆNƐ AMA:

• 

  E na lo wuga nɛɛdam gaa bee ɛp bu ye fon a, e amunu pah na a bee ye ɛrɛ nyɔɔ ani?

• 

  Bu mɛ sīdee na Pya Galetia 6:7, 8 le Le-yɔɔ 119:37 ye yerebah nɛ a?