Bip Ebip

Jɛhova, “Bari ɛɛbu,” gbī kɔ i ɛrɛ ɛɛbu bu tam zue ue. (1 Tim 1:11) I ɛɛbu eyiiloo kuma sɔ̄ i nyimɛ i kari. Bip ebip dap doo kɔ pya a gaa i gbaɛ̄tɔ̄loo a ɛrɛ taɛ sa a lunage kaāna sīdee ebɔātɛ̄ ekɔa sɔh. Ebip yere mɛmloo pya nɛɛ kɔ ba a buābee loo nu sa ɛrɛ ekɛɛrɛ. (Mat 22:41-45) Tɛ̄maloo ebip ebip sa gbaɛ̄tɔ̄, i aa kɔ nɛ lo nɛɛ kɔ, ‘O kuī mɛ loo.’ (Jem 1:19) Ture lo nɛɛ nɛ dap i yerebah nɛ kɔ i suā nu i kɔ ye nɛ.

SI EE VIDIO A KURA ƐRƐ ƐƐBU LOO DOO KƆ PYA NƐƐ A NYƆƆNƐ DUMƐ JIZƆS—NYIMƐ O KARI—BIP EBIP, LƐƐ BUI AGARA PYA EBIP A NYƆƆNƐ AMA:

• 

  Amunu le elap dogo na Jade bee tɔgɛ a?

• 

  Bu mɛ sīdee na Neeta bee su ebip tɔŋɛ kɔ a ɛrɛe taɛ bu Jade a?

• 

  Neeta bee su ebip dana taɛ Jade doodoo wa?

• 

  Mɛ sīdee na Neeta su ebip yeābah nɛ Jade kɔ a dap buābee loo nu sa ɛrɛ ekɛɛrɛ a?