TƆƆ̄DUM DOODOO PYA NƐƐ KRAIST
Aara Pya Nɛɛwa A A Nama Doodoo Ka, Le Pya Emuā Doodoo O Wuga Nɛɛwa
Kpa Kaɛ kɔ i nɛ kɔ i aara pya Nɛɛ Kraist ba i nama doodoo bee ba lu pya i ka le tɛ e pya zege doodoo bee ba lu pya i wuga. (Buū 1 Timɔti 5:1, 2.) Bɔloo kaāna kɔ pya wuga nɛɛdam a aara pya wuga nɛɛwa bu ka le enwadɛɛ̄.
Naa lee kɔ ziī wuga nɛɛdam a doo nu edoo kɔ loo ziī wuga nɛɛwa aa sukɛ̄ sɔ̄ a ye le kpaɛ̄. (Job 31:1) Wuga nɛɛdam a lege aba ɛɛ naa ɛrɛ esu ekɛɛrɛ wuga nɛɛwa a le aba ɛɛ biā bii tɛ̄maloo edoo pya nu a bee kɔ a ɛrɛ ye taɛ bu, sɔ̄ a naale e’ii ye.
Pya kanɛɛ a gbaɛ̄tɔ̄ pya wuga nɛɛwa bu fɛgɛ sɔ̄ ba bip ebip bu enwadɛɛ̄ ale bee ba kue wa ekɛɛrɛ kumaloo ziī nu alu ebɛɛ̄ kɔ ba a kɛɛrɛbu loo. Pya kanɛɛ ɛrɛ enɛ kaāna ekɛɛrɛ pya wuga nɛɛwa a naa ɛrɛ dam ekpega wa.—Rut 2:8, 9.
SI EE VIDIO A KURA TƆGƐ WERELOO A NAA WEE DƆ LƆGƆ SƆ̄ KUMALOO PYA WUGA BU YIRA—PYA WAA UA DAM LE PYA NWIĪ TƐ LE KA NAA LENA, LƐƐ BUI AGARA PYA EBIP A NYƆƆNƐ AMA:
Bu mɛ sīdee na pya wuga bu bɔŋanaloo bee tɔgɛ wereloo alu keebee kumaloo Wuga nɛɛwa Myint a?
Bu mɛ sīdee na wereloo pya wuga bee tɔgɛ yira ekeebee nɛ pya lo buɛ̄ a?
Wereloo pya wuga tɔgɛ bee ɛrɛ pah nyɔɔ pya miɔŋɔ nɛɛwa Myint doodoo wa?
Bu pya amunu sīdee na o dap tɔgɛ wereloo kumaloo pya wuga nɛɛwa ba le bu o bɔŋanaloo a?