Ɛrɛ Pya Nu O Seeasī Bu Sɔ̄ Nyɛŋiabu Loo Luh Jizɔs

Ziī ziī zua, pya nɛɛ Jɛhova wee ɛmadɛɛ̄ lo egbaaloo doo Doonu Nyɛŋiabu Loo Luh Jizɔs. Lɛɛ elu bu kaɛ elu edoo lo Doonu, le pya kaɛ sɔ̄ elua edoo lo Doonu sah, i wee su keebee dee a i kpaā nɛ ama leera Jɛhova sa ye doo yaa loo dɔɔ̄nu waara zɔɔ a’agara. (Ɛfɛs 1:3, 7) Bu edoba, i wee piiga kaāna lo ekue pya dɔɔ̄na nua loo lo Doonu. Pio nɛɛ wee kwabahloo wa kɛ̄tɔɔ̄ lokwa ba dap sɛmdee bu Taa Enɔɔ̄ ale Nia Enɔɔ̄, sa seeasī lo elɛa 30 ale 50 awa bah. Eniage a lo enyimɛ o esiatam zueue yereloo bu sɔ̄ Doonu Nyɛŋiabu Loo Luh Jizɔs ni? Ena edap a yerebah nɛ lo edoo wo a?

Gbɛnɛ-edo sɔ̄, nu i doo wee kiisī leere sɔ̄ i dasī kɛɛrɛ nu i doo serekɛ̄. (Kam 21:5) Kuma sɔ̄ Doonu Nyɛŋiabu Loo Luh Jizɔs aa tɔɔ̄ waɛloo kɛ̄ a, nyaawo na sɔ̄ a bɔloo kɔ i bɔātɛ̄ enɔɔ nu i doo a. Kɛɛrɛ nu akiiloo pya sīdee o dap nyimɛ o esiatam zueue yereloo bu sɔ̄ Doonu ama, le pya nu o dap doo lokwa o inaloo pya nu o seeasī. Sa o bara Jɛhova kɔ a nɛ leelee pya o epiaga.—1 Jɔn 5:14, 15.

O dapge kɛɛrɛ nu akiiloo pio sīdee o dap nyimɛ o esiatam zue ue yereloo bu sɔ̄ Doonu Nyɛŋiabu Loo Luh Jizɔs ni?