Pya Nu O Dap nɔ

**O aa ɛrɛge biī aāloo kɛ̄ alu ebaatɛ̄ Kpa Kaɛ doo bu Research Guide for Jehovah’s Witnesses ni?**

Pya ue a baatɛ̄ nu ama, eyerebah a nɛ kɔ o dābeeloo togatoga nu a le bu Muɛ̄ Ue Bari. Ba dap baatɛ̄ kɛ̄ kɛ̄tɔɔ̄ bee mɛa doo sɔ̄ a bee lu e’ɛm lo dɔ Kpa Kaɛ, nu anua a bee lu e’ɛm, nɛɛ lo e’ɛma kɔ nu akiiloo, le nu ziī ziī bee ue ale etaā ue a le bu lo barakpaɛ̄ kura.

Watchtower ONLINE LIBRARY^™ le JW Library^® doo kɔ o muɛ kɛ̄ Research Guide baatɛ̄ ziī ziī dɔ Kpa Kaɛ doo. O dap muɛ pya ue a baatɛ̄ nu ama bu kɛ̄ a baatɛ̄ ue a le lo dɔ Kpa Kaɛ, bu pya Baibol elua eyerebu Watchtower ONLINE LIBRARY^™ le JW Library^®.

Sɔ̄ o aa su pya ue ama daānu, wee yere nukuādɛɛ̄ loo biradee a le nyɔɔ lo ue. Pya ekobee ue alu e’ɛm aā wee le ye deenyɔɔ. Sɔ̄ o gaa kiikɛ̄ o muɛ pya dɔɔ̄na nama ekobee ue a baatɛ̄ lo ue lo ebee lu ekwabaloo.

Pya ue a baatɛ̄ nu bu Research Guide wee le kɛ̄ bu Watchtower ONLINE LIBRARY dɛ̄dɛɛ̄ sɔ̄.
Lokwa o dap muɛ pya ue a baatɛ̄ nu bu JW Library, kuɛ̄ Research Guide sa wee doo kɔ alu aā ɛrɛgebah sɔ̄ elua eyere aā ue bu. O dap doo lo ama tɛ̄maloo ebiibah kɛ̄ a kɔ download a le dee nyɔɔ kɛ̄ a wee baatɛ̄ nu a le lo dɔ Baibol bu ɛrɛgebah ekobee a le bu lo Baibol.