Nyɔɔnyɔɔ Tɔ Babɛl

Sɔ̄ Yii Maā etɛ̄na aa, miɔŋɔ Noa le wa wa bee ɛrɛ gbɛnɛ-edo gbomiɔŋɔ. Wa butɔ bee nyim yiiloo, e ba bee yaara kii keekee kɛ̄ bu nyɔuwe dookɛ̄ Jɛhova bee kɔ ba a doo.

Mɛ pio aba naa bee gbaɛ̄tɔ̄loo Jɛhova. Ba bee kɔ: ‘Dooraa i wu ziī buɛ̄ sa i tɔɔ̄ akɛ̄ ama. I gaa le wu ziī tɔ a nyɔɔ inaloo bunyɔɔ. Lo sɔ̄ i lu pya a siā bee.’

Bu Jɛhova naa bee ɛɛ loo nu pya lo nɛɛ aa bee doo, nyɔɔwo, a bee biaɛfii lo e’ɔbɛ wa. O suāge nu a bee doo lo e’ɔbɛ wa ni? Bu bugia, a bee doo kɔ ba a kɔ keekee muɛ ue, e sɔ̄ ba naa bee dāna nu ziī kɔ a, ba bee ɔbɛ ewu lo tɔ. Lo buɛ̄ ba gaa bee wu a, bee lu ekure Babɛl, lo nu a kura na “Kwɔkwɔɔga.” Pya nɛɛ bee bɔātɛ̄ eyaara sa tɔɔ̄ keekee kɛ̄ a le bu nyɔuwe. Mɛ ba bee kiisī lo edoo nu a bee piya bie aā kɛ̄ ba bee tɔɔ̄ ama. Mɛ a ɛrɛge ziī nɛɛ a bee wereloo Jɛhova ni? I gaa le suā bu lo ekobee ue a nyɔɔnɛ.