Kara Doo Yaa

1. Bari, Jɛhova i gbī edoo a yaa.

Nyɔɔ dɛ̄dɛɛ̄ nu o edoora i nɛ.

I ebiaɛra fii lo esitam a nɛ,

Sa suā kɔ o e yerebah i nɛ.

Sɔ̄ i tɛɛ̄ ekwɔ tɔgɛ kɔ ii mma.

Nyɔɔwo i bara a kɔ o aaloo

Dɛ̄dɛɛ̄ i pɔrɔ gbaāloo i tɛɛ̄ ekwɔ

Tɛ̄maloo luh waara zɔɔ Jizɔs Kraist.

2. Nyɔɔ o wereloo le o fɛgɛ dogo

O zuura dɛ̄dɛɛ̄ ii sa su yaa loo.

O tɔgɛ i nu tɛ̄maloo o Muɛ̄ Ue

Lokwa i si tam a nɛ dɛ̄dɛɛ̄ dee.

Kaɛ edɔɔ̄ o nɛ lu i nɛɛ nyɛŋiabu

Lokwa i zue ue bu e’agaloo.

I kpɛ̄naloo e gbaɛ̄tɔ̄ pya nu o kɔ;

Sa a doo yaa nyɔɔ pya o le dogo.