YƆƆ 108
Wereloo A Naa Wee Nyaa Bari Ɛrɛ
(Aisaia 55:1-3)
1. Bari lu wereloo.
Wereloo sira bu ye tam.
Tɛ̄maloo aba ye bee Nwiī
A aaloo i nɛ bu yɔrɔ,
A nɛ i bɛābu Buɛ̄-mɛnɛ
Dum a naa tah bu ɛɛ beenyiɛ.
(KƐRƐ)
Kue dɛ̄dɛɛ̄ pya loo gaa lɛɛ,
Kɔ ba’ lu wee de sa ɔ̄.
Tɛ̄maloo e nɔ Kpa Kaɛ;
Ɛp wereloo Bari!
2. Bari lu wereloo.
I nɔ ye sa doo nage wo.
Pya i zue ue nɛ gaa gbī wo,
Sɔ̄ ba gbī edoo nu a lee.
Enwadɛɛ̄ Bari i tɔgɛ.
Sa i zue ue nɛ dɛ̄dɛɛ̄ nɛɛ!
(KƐRƐ)
Kue dɛ̄dɛɛ̄ pya loo gaa lɛɛ,
Kɔ ba’ lu wee de sa ɔ̄.
Tɛ̄maloo e nɔ Kpa Kaɛ;
Ɛp wereloo Bari!
3. Bari lu wereloo.
A gaa le doo ye ekɛɛrɛ.
Tɛ̄maloo bɛbɛɛ Jizɔs Kraist,
Naa sinakɛ̄ ɛp i pɔrɔ.
Nyɔɔbee ye gbɛnɛ wereloo,
I su mɛm zuema nɛ pya nɛɛ.
(KƐRƐ)
Kue dɛ̄dɛɛ̄ pya loo gaa lɛɛ,
Kɔ ba’ lu wee de sa ɔ̄.
Tɛ̄maloo e nɔ Kpa Kaɛ;
Ɛp wereloo Bari!
(Buū nage Yɔɔ 33:5; 57:10; Ɛfɛs 1:7.)