YƆƆ 3
Bari Na I Ture Nyiɛ Loo Sa Bɛābu A
Printed Edition
(Kam 14:26)
1. O aa i aaloo bie a Bari.
lu wee agara i.
Olo na i le gaa tɔɔ̄baɛ
tɔgɛ i o toesaɛ̄.
Mɛ nyɔuwe anii’ee ɔɛ i loo
a aga etɔɔ̄ ye bu.
Mɛ Jɛhova lu i bɛābu
nyɔɔwo i tɔɔ̄ ye nɛ.
(KƐRƐ)
Sɔ̄ i a to loo o
aa i kpo ture.
Zuura i yaaloo a le tɛ.
Olo na o lu nɛɛ
i ture nyiɛ loo,
sa lu nɛɛ ili dɛɛa nyɔɔ.
2. I ɛrɛ ziī kaāna le deesī,
taɛ i ekɔ yaari.
A kiiloo ziī le aā nyɔuwe
Jɛhova gaa le nɛ.
Sɔ̄ i kii wee kɔ lo yereue
pio nɛɛ naa gbī e gbaɛ̄tɔ̄,
Nyɔnɛbee o lu i bɛābu
i kiisī wee kɔ siā.
(KƐRƐ)
Sɔ̄ i a to loo o
aa i kpo ture.
Zuura i yaaloo a le tɛ.
Olo na o lu nɛɛ
i ture nyiɛ loo,
sa lu nɛɛ ili dɛɛa nyɔɔ.
(Buū nage Yɔɔ 72:13, 14; Kam 3:5, 6, 26; Jer 17:7.)