Pya Nu O Dap nɔ

Nɔɔ Pya Nu O Dasī Nɔ

Ii wee aadee ɛrɛ gbɛnɛkpo sɔ̄ esu nɔā nu nyɔɔ i loo. I dap su i sɔ̄ daānu leere doodoo wa? Tua tua, sueloo kɛ̄ nɔ. O ɛrɛ biī lo o sueloo kɛ̄ nɔ ziī ale baɛ aba ee sɔ̄ o nɔ gbɛnɛ-edo ɛɛ aba sɔ̄.

Lɛɛ o nɔɔ pya nu o dasī nɔ. (Ɛfɛs 5:15, 16) Naa kɛɛrɛbu pya lɛra ekɛɛrɛ ama:

• Buū Baibol dɛ̄dɛɛ̄ dee. (Yɔɔ 1:2) Elee i bɔātɛ̄ aāloo ebuū pya dɔ Baibol a wee lu ekɔ i buū bu ziī ziī kaɛ lo i wee nɔ bu enɔānu taɛ yɛɛ kaɛ.

• Kpɛ̄naloo loo enɔānu Tɔ Baɛloo le enɔānu taɛyɛɛ kaɛ. Kpɛ̄naloo lo e’agara ebip.—Yɔɔ 22:22.

• Dɛɛa nyɔɔ kɛ̄ sɔ̄ a a lebah doo, buū pya dɔɔ̄na nu eyerebah a nɛ bu edɔɔ̄, doodoo magazin i wee nɛ ee, gbaāloo pya dɔɔ̄na nu a le nyɔɔ jw.org, sa ɛp pya i vidio.

• Gbītɛ̄ nu. O dap gbītɛ̄ nu akiiloo taāŋa o gaa kpesī, ebip o gbī esuā ye ture, ale ziī nu a le bu Baibol o gbī edābeeloo leere. Lo edābeeloo leere, ɛp kɛ̄ a kura “Bible Study Activities” a le nyɔɔ jw.org.