Ha “Ẹghẹlẹ ro nẹ Obẹ Osolobrugwẹ Rhe” Ruiruo

Ọwan a riamerhen urhebro rẹ imizu ukoko na e tiobọnẹ rẹn ọwan. Ọrẹn, ene vi ru ghwẹ ọrẹ ana ghwọghọ ọke kugbe. Baibol na o se omẹgbanhon re vwori ra na bọn esegburhomẹmro owuowọnwan gbanhon, “ẹghẹlẹ ro nẹ obẹ Osolobrugwẹ rhe.” (Rom. 1:​11, 12) Marhẹ ene ru ha ẹghẹlẹ ọrana ruiruo vuọnvuọn?

Ha urhebro rẹn awọrọ nyoma ẹmro ọnọ. Jerẹ udje, ana sabu bọn ẹkpahenrhọ ra haphia uvuẹn uyono ukoko kpahen Jehova, Baibol na ọrhẹ ihworho yi, ukperẹ ono rhiẹ oma ọwan. Ọke re lele imizu ukoko na tẹmro, ana sabu ta kpahen oborẹ ọnọ ha urhebro rẹn owuowọnwan.

Ha urhebro rẹn awọrọ nyoma orhienbro ọrhẹ irueruo ọnọ. Jerẹ udje, ezẹko i brorhiẹn aye ine fiomarhọ owian Uvie na vuọnvuọn, udabọ ebẹnbẹn omobọ aye a dẹrughwaroghwẹ. Awọrọ e ji riẹ uyono re ruẹ uvuẹn ọkprughwre na ọke ephian, udabọ owian rọ vuọn obọ aye yanghene emiamo ọgbogbanhon.

Wa nyoma oborẹ wa ta ha urhebro rẹn imizu ukoko na? Wa djokarhọ oborẹ imizu na a ta ji ruẹ nẹ aye i sabu ha urhebro wẹn?