Nẹ ọtonrhọ September, Ọbe-Owian Uyono Akpenyerẹn Ọrhẹ Iruo Uvie Na ono vwo oghọn udje ẹhaphia ọkpokpọ ọrọrọ re se ‘Yono Urhomẹmro na.’ Ọdamẹ ọwan ọrẹ ana ha onọ ọrhẹ eyaya efuanfon na yono ihworho kpahen urhomẹmro i Baibol na.

Orhianẹ ọravwọ o vwo omamerhomẹ kpahen urhomẹmro na, ana sabu yẹ ye ọbe yanghene kporo ividio i jw.org riẹn, no roro kpahen ẹrhiọ ọwan ẹdẹ ọrọrọ. O fori ne ọwan rharhumu ghwẹrioma ogege nọ sabu yono riaro rhọ. Ẹhaphia ekpokpọ na ọrhẹ ẹmro rẹ emọ isukuru na ena haphia, ana bọn aye kpahen ẹzẹkoko Irhomu-ẹmro ri ha uvuẹn ọbe What Can the Bible Teach Us? Ọwan ina sabu mẹrẹn enọ erọrọ ọrhẹ ekete i Baibol re ne se rọ nọ sa ọwan erhumu e ruẹ ẹrharhumu bru yanghene ha uyono i Baibol mwu.

Izede owu ọvo yo ro suẹn riẹ arhọ. (Mt 7:13, 14) Ra mẹriẹn taghene ọwan e ghwoghwo rẹn ihworho ri nẹ ẹga ọrhẹ ẹkwotọre sansan rhe na, ọwan ina vi ha urhomẹmro i Baibol na phia izede ro no te ẹhẹn ihworho na. (1Ti 2:4) Rẹ ọwan a dabu riẹnriẹn oma rhẹ irhomu-ẹmro i Baibol na, jeghwai ruẹ rhomẹrhọ uvuẹn ena ọwan ra ‘ha emro urhomẹmro na ruiruo gba’, aghọghọ ọwan ono rho buẹnrhọ, ọwan ni ne vwo efikparobọ uvuẹn urhomẹmro ra ha yono awọrọ na.—2Ti 2:15.

Ihworho ephian uvuẹn akpọ na e guọlọ urhebro. (Ec 4:1) Uvuẹn September, ọwan ina damoma fi Watchtower rọ tẹmro kpahen urhebro rhẹ ada. Kerabọ ẹhaphia imagazini ọnana. Fọkime ọwan i vwo omweme re ne lele ihworho tẹmro neneyo na sabu ha urhebro rẹn aye, o fo na nya ji imagazini na vwo rẹn ihworho ri vwa ha oghwa-a.

OBORẸ ANA TA

“Ọke ephian yẹ ọwan a guọlọ urhebro. Ọrẹn bọgo yẹ ana sabu mẹriẹn? [Se 2 Corinthians 1:3, 4.] Watchtower ọnana ọ ta kpahen oborẹ Osolobrugwẹ ọ ha urhebro phia lele.”

Orhianẹ ohworho o dje omamerhomẹ phia jeghwai ha imagazini na,  . . .

KPORO IVIDIO NA MESORIẸ ENE YONO I BAIBOL NA?

Gba ha uyono i Baibol mwu.

GBẸN IZEDE ẸRHARHUMU BRU RHOTỌRE

Nọ onọ rhotọre wu na kpahenrhọ wu rha rharhumu, jerẹ “Mesoriẹ Osolobrugwẹ ọ ha uphẹn rẹn ojẹriọ?”