Seenaawwan Kitaaba Qulqulluu Yaadaan Ilaali

Kitaabni Qulqulluun seenaawwan barumsa barbaachisoo irraa argachuu dandeenyu hedduu qabateera. Seenaawwan kana yaadaan ilaaluudhaan wanta dubbisnu caalaatti hubachuu fi irraa fayyadamuu dandeenya. Mee seenaawwan Kitaaba Qulqulluu yaadaan ilaaluuf wantoota si gargaaruu dandaʼan tokko tokko haa ilaallu.

• Sagalee kee ol kaasii dubbisi. Kitaaba Qulqulluu sagalee ol kaasnee dubbisuun wanta raawwatame caalaatti yaadaan ilaaluuf nu gargaara. Maatiidhaan yeroo dubbistan namoota seenicha keessatti ibsaman bakka buʼuudhaan hirattanii dubbisuun keessan seenichi caalaatti akka isiniif dhugoomu godha.

• Wantoota raawwataman yaadaan ilaali. Yaadaa fi miira namoota seenicha keessatti ibsamanii hubachuuf yaali. Akkana jedhii of gaafadhu: ‘Namni sun akkasitti kan dubbate ykn akkas kan godhe maaliifi? Ani haala akkasii keessa utuun taʼee, maalan yaada ykn maaltu natti dhagaʼama?’

• Fakkii kaasi. Fakkiin kaaste baayʼee bareedaa taʼuu baatus, seenaa Kitaaba Qulqulluu fakkiidhaan ibsuun, seenicha caalaatti yaadaan ilaaluu fi yaadachuuf si gargaara.