LAAYIBRARII INTARNEETIIRRAA

Masaraa Eegumsaa

LAAYIBRARII INTARNEETIIRRAA

mwb16 Ebla ful. 3
Jechoota Gaarummaa Argisiisaniin Warra Kaan Jajjabeessaa!

Jireenyaa fi Tajaajila Kiristiyaanaa barreeffama qo‵annaa walga‵ii(2016)

mwb16 Ebla ful. 3

BEEKUMSA DUBBII WAAQAYYOO IRRAA ARGAMU | IYOOB 16-20

Jeechoota Gaarummaa Argisiisaniin Warra Kaan Jajjabeessaa!

Namni gorsa kennu dubbiin isaa warra kaan kan jajjabeessu taʼuu qaba

Iyoob baayʼee gaddee fi dhiphatee waan tureef deggersii fi jajjabinni warra kaanii isa barbaachisee ture
Michoonni Iyoob sadan wanta isa jajjabeessu tokko illee hin dubbanne. Kanaa mannaa, isa ceephaʼuudhaan caalaatti isa dhiphisan

Dubbii hamaan Biildaad dubbate, Iyoob aariidhaan akka dubbatu isa godheera

Iyoob Waaqayyo boqonnaa akka isaaf kennu, kaan illee hafee duʼaan akka isa boqochiisu kadhateera
Iyoob abdii duʼaa kaʼuu irratti kan xiyyeeffate siʼa taʼu, amanamaa taʼee itti fufeera

Eliifaaz Iyoobitti yeroo dubbatu Biildaadii fi Zofaar ilaalaa jiru

WARRA IYOOBIIN CEEPHAʼAN

Eliifaaz:

Tarii nama Temaan isa biyya Edoom taʼuu hin oolu. Ermiyaas 49:7 irratti Temaan, wiirtuu ogummaa biyya Edoom akka taate ibsameera
Namoota Iyoobiin ‘jajjabeessan’ keessaa Eliifaaz jalqaba irratti kan dubbate, umriidhaan waan hunda isaanii caaluu fi iddoo guddaa waan qabuuf taʼuu hin oolu. Siʼa sadii kan dubbate siʼa taʼu, namoota lamaan caalaas yeroo dheeraadhaaf dubbateera

Ceephoo sobaa:

Amanamummaa Iyoob qabu irratti kan gaʼise taʼuu isaa irra iyyuu, Waaqayyo tajaajiltoota isaa irratti amantii akka hin qabne dubbateera (Iyo 4, 5)
Eliifaaz, Iyoob qajeelaa akka taʼetti kan of ilaalu, hamaa fi Waaqayyoon kan hin sodaanne akka taʼe dubbateera (Iyo 15)
Eliifaaz, Iyoob sassattuu fi murtoo kan jalʼisu akka taʼe, akkasumas namni Waaqayyo duratti faayidaa akka hin qabne dubbateera (Iyo 22)

Biildaad:

Sanyii Shuʼaahii ti. Naannoo Laga Efraaxiis jiraatee taʼuu hin oolu
Lammaffaa irratti kan dubbate isa ture. Siʼa sadii kan dubbate yommuu taʼu, dubbiin isaa gaggabaabaa fi kan Eliifaaz caalaa Iyoobiin kan miidhu ture

Ceephoo sobaa:

Ijoolleen Iyoob cubbuu akka hojjetan, balaan isaan irra gaʼe kan isaaniif malu akka taʼee fi Iyoob iyyuu Waaqayyotti akka hin amanne dubbate (Iyo 8)
Iyoob nama jalʼaa akka taʼe dubbate (Iyo 18)
Namni amanamaa taʼuun isaa faayidaa akka hin qabne dubbate (Iyo 25)

Zofaar:

Naaʼimaaticha kaaba dhiha biyya Arabaa jiraachaa ture taʼuu hin oolu
Sadaffaa irratti kan dubbate isa siʼa taʼu, warra kaan caalaa garmalee Iyoobiin ceephaʼeera. Siʼa lama qofa dubbate

Ceephoo sobaa:

Iyoob sobduu akka taʼe dubbachuudhaan isa ceephaʼe; akkasumas yakka hojjetu akka of irraa fageessu isatti hime (Iyo 11)
Iyoob nama jalʼaa fi cubbuutti gammadu akka taʼe dubbate (Iyo 20)