ପ୍ରଚାର ସେବାରେ ଆମେ ନିଜ ଦକ୍ଷତା କିପରି ବଢ଼ାଇବା—କ୍ୟାମେରା କିମ୍ବା ଇଣ୍ଟରକମ ଜରିଆରେ ସାକ୍ଷ୍ୟ ଦିଅନ୍ତୁ

ଏହା କାହିଁକି ମହତ୍ତ୍ୱପୂର୍ଣ୍ଣ: ବଢ଼ୁଥିବା ଅପରାଧକୁ ଦେଖି ଆଜି ଅନେକ ଲୋକେ ନିଜ ଘରେ କ୍ୟାମେରା କିମ୍ବା ଇଣ୍ଟରକମ ଲଗାନ୍ତି । ଏହିପରି ଭାବେ ସେମାନେ ବିନା କବାଟ ଖୋଲି ନିଜ ଘର ସାମନାକୁ ଆସିଥିବା ଲୋକମାନଙ୍କ ସହ କଥା ହୋଇପାରନ୍ତି । କିଛି ପ୍ରଚାରକଙ୍କୁ କ୍ୟାମେରା କିମ୍ବା ଇଣ୍ଟରକମ ସାହାଯ୍ୟରେ ସାକ୍ଷ୍ୟ ଦେବା କଠିନ ଲାଗେ, କାରଣ ସେମାନେ କଥା ହେବା ସମୟରେ ବ୍ୟକ୍ତି ଜଣକୁ ଦେଖିପାରନ୍ତି ନାହିଁ । ଆପଣ ଆଗକୁ ଥିବା ପରାମର୍ଶଗୁଡ଼ିକୁ ଆପଣାଇ ସାହସର ସହିତ ସାକ୍ଷ୍ୟ ଦେଇପାରିବେ । ଆପଣ ଏହି ପରାମର୍ଶକୁ ଟେଲିଫୋନ୍‌ ଜରିଆରେ ସାକ୍ଷ୍ୟ ଦେବା ବେଳେ ମଧ୍ୟ ଧ୍ୟାନରେ ରଖିପାରିବେ ।

ଏହା କିପରି କରିପାରିବା:

• ଲୋକମାନଙ୍କ ବିଷୟରେ ସଠିକ୍‌ ଦୃଷ୍ଟିକୋଣ ରଖନ୍ତୁ । ଅନେକ ଲୋକେ ନିଜ ଘରେ କ୍ୟାମେରା କିମ୍ବା ଇଣ୍ଟରକମ ଲଗାଇଛନ୍ତି, କିନ୍ତୁ ସେମାନଙ୍କୁ ଆମ ସହ କଥା ହେବାରେ କୌଣସି ଆପତ୍ତି ନ ଥାଏ

• ଧ୍ୟାନରେ ରଖନ୍ତୁ ଯେ କିଛି ଘରଗୁଡ଼ିକରେ କ୍ୟାମେରା ଆପଣଙ୍କ ଘଣ୍ଟି ବଜାଇବା ପୂର୍ବରୁ ହିଁ ରେକର୍ଡ କରିବା ଆରମ୍ଭ କରିଦିଏ । ଆପଣ କବାଟ ପାଖରେ ଆସିବା ମାତ୍ରେ ହିଁ ଘର ଭିତରେ ବସିଥିବା ବ୍ୟକ୍ତି ଆପଣଙ୍କ କଥା ଶୁଣିପାରନ୍ତି ଏବଂ ଆପଣଙ୍କୁ ଦେଖିପାରନ୍ତି

• କ୍ୟାମେରା କିମ୍ବା ଇଣ୍ଟରକମ ଜରିଆରେ କଥା ହେବା ବେଳେ ଏପରି କଥା ହୁଅନ୍ତୁ ସତେ ଯେପରି ଆପଣ ସେହି ବ୍ୟକ୍ତିର ସାମନାରେ ଠିଆ ହୋଇଛନ୍ତି । ଆପଣଙ୍କ ମୁହଁରେ ହସ ଓ ହାବଭାବ ଦେଖାଯିବା ଉଚିତ୍‌ । ଆପଣ ଘର ଘର ପ୍ରଚାରରେ ଲୋକଙ୍କ ସହ ଯେପରି କଥା ହେବେ ବୋଲି ଭାବିଥିଲେ ସେହିପରି ହୁଅନ୍ତୁ । କ୍ୟାମେରାଠାରୁ ସଠିକ୍‌ ଦୂରତାରେ ଠିଆ ହୁଅନ୍ତୁ । ଆରପଟୁ କୌଣସି ଉତ୍ତର ନ ଆସିଲେ କୌଣସି ମେସେଜ୍‌ ଛାଡ଼ନ୍ତୁ ନାହିଁ

• ଧ୍ୟାନରେ ରଖନ୍ତୁ ଯେ କଥାବାର୍ତ୍ତା ଶେଷ ହେବା ପରେ ମଧ୍ୟ ସେହି ବ୍ୟକ୍ତି ଘର ଭିତରୁ ଆପଣଙ୍କୁ ଦେଖିପାରନ୍ତି କିମ୍ବା ଆପଣଙ୍କ କଥା ଶୁଣିପାରନ୍ତି