ଖ୍ରୀଷ୍ଟୀୟ ଜୀବନଯାପନ କରନ୍ତୁ
ଆପଣ ସୋଶିଆଲ୍ ମିଡିଆରେ କାହା ସହ ସାଙ୍ଗ ହୁଅନ୍ତି ?
ସାଙ୍ଗ ସେମାନଙ୍କୁ କୁହାଯାଏ ଯେଉଁମାନଙ୍କ ମଧ୍ୟରେ ପରସ୍ପର ପାଇଁ ଗଭୀର ପ୍ରେମ ଓ ଆଦର ଥାଏ । ଉଦାହରଣ ପାଇଁ, ଦାଉଦ ଗଲୀୟାତକୁ ଯୁଦ୍ଧରେ ଜୀବନରୁ ମାରିବା ପରେ ଦାଉଦ ଓ ଯୋନାଥନ ଭଲ ସାଙ୍ଗ ହୋଇଗଲେ । (୧ଶାମୁ ୧୮:୧) ଦୁହିଁଙ୍କ ପାଖରେ ଅନେକ ଭଲ ଗୁଣ ଥିଲା ତେଣୁ ସେମାନେ ପରସ୍ପରର ଭଲ ସାଙ୍ଗ ହୋଇପାରିଲେ । ଏଥିରୁ ଜଣାପଡ଼େ ଯେ କାହାରି ସହ ସାଙ୍ଗ ହେବା ପାଇଁ ତାଙ୍କୁ ଭଲ ଭାବେ ଜାଣିବାକୁ ପଡ଼ିବ । ଏପରି କରିବା ପାଇଁ ସମୟ ଓ ପରିଶ୍ରମ ଲାଗେ । କିନ୍ତୁ ସୋଶିଆଲ୍ ମିଡିଆରେ ଲୋକମାନେ ଗୋଟିଏ କ୍ଲିକ୍ରେ ଅନେକ ସାଙ୍ଗ କରିପାରିବେ । କିନ୍ତୁ ସେମାନେ ପ୍ରକୃତ ସାଙ୍ଗ ନ ଥାʼନ୍ତି । ସେମାନେ ନିଜ ପରିଚୟ ଲୁଚାନ୍ତି ଏବଂ ଅନ୍ୟମାନଙ୍କ ଭରସା ଜିତିବା ପାଇଁ ଭଲ ଭଲ କଥା କହନ୍ତି । ତେଣୁ ଆମେ ସୋଶିଆଲ୍ ମିଡିଆରେ ବୁଝିବିଚାରି ସାଙ୍ଗ କରିବା ଉଚିତ୍ । ଯଦି କେହି ଆପଣଙ୍କୁ ଫ୍ରେଣ୍ଡ ରିକୱେସ୍ଟ ପଠାନ୍ତି ଯାହାକୁ ଆପଣ ଜାଣିଛନ୍ତି କିନ୍ତୁ ଭଲ ଭାବେ ନୁହଁ, ତେବେ ଆପଣ ତାଙ୍କ ଫ୍ରେଣ୍ଡ ରିକୱେସ୍ଟ ଡିଲିଟ କରିପାରିବେ । ଏହା ଭାବନ୍ତୁ ନାହିଁ ଯେ ଏପରି କଲେ ତାଙ୍କୁ ଖରାପ ଲାଗିବ । ସୋଶିଆଲ୍ ମିଡିଆର ବିପଦ ଯୋଗୁଁ କିଛି ଲୋକ ତାʼର ବ୍ୟବହାର ହିଁ କରନ୍ତି ନାହିଁ । ଯଦି ଆପଣ ସୋଶିଆଲ୍ ମିଡିଆର ବ୍ୟବହାର କରିବା ବିଷୟରେ ଭାବୁଛନ୍ତି, ତେବେ ଆପଣଙ୍କୁ କେଉଁ କଥାଗୁଡ଼ିକୁ ଧ୍ୟାନ ଦେବା ଉଚିତ୍ ?
ସୋଶିଆଲ୍ ମିଡିଆ—ଟିକେ ସାବଧାନ ! ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
କୌଣସି ଫଟୋ ପୋଷ୍ଟ କରିବା କିମ୍ବା କିଛି ବି ଲେଖିବା ଆଗରୁ ପ୍ରଥମେ କେଉଁ କଥାଗୁଡ଼ିକୁ ମନେ ରଖିବା ଉଚିତ୍ ?
ଆପଣ ସୋଶିଆଲ୍ ମିଡିଆରେ ବୁଝିବିଚାରି ସାଙ୍ଗ କାହିଁକି କରିବା ଉଚିତ୍ ?
ଆପଣ ସୋଶିଆଲ୍ ମିଡିଆରେ କେତେ ସମୟ ବିତାଇବେ, ଏହା ଆପଣଙ୍କୁ ଆଗରୁ କାହିଁକି ଭାବି ରଖିବା ଉଚିତ୍ ?—ଏଫି ୫:୧୫, ୧୬