ଯୀଶୁ ଈଶ୍ୱରଙ୍କ ରାଜ୍ୟ ବିଷୟରେ ଶିକ୍ଷା ଦେଇଥିଲେ

ଯୀଶୁଙ୍କ ପୃଥିବୀକୁ ଆସିବାର ମୁଖ୍ୟ ଉଦ୍ଦେଶ୍ୟ କʼଣ ଥିଲା ? ସେ ନିଜେ ଏପରି କହିଥିଲେ: “ମୋତେ ଅବଶ୍ୟ ଈଶ୍ୱରଙ୍କ ରାଜ୍ୟର ସୁସମାଚାର ପ୍ରଚାର କରିବାକୁ ହେବ, କାରଣ ସେଥିନିମନ୍ତେ ମୁଁ ପ୍ରେରିତ ହୋଇଅଛି ।” (ଲୂକ ୪:୪୩) ଚାରୋଟି ବିଷୟରେ ବିବେଚନା କରି ଦେଖନ୍ତୁ ଯାହା ଯୀଶୁ ନିଜ ପ୍ରଚାରର ମୂଖ୍ୟତଃ ରାଜ୍ୟ ବିଷୟରେ ଶିକ୍ଷା ଦେଇଥିଲେ ।

୧. ଯୀଶୁ ମନୋନୀତ ରାଜା ଥିଲେ । ଯୀଶୁ ସିଧାସଳଖ କହିଥିଲେ, ସେ ହେଉଛନ୍ତି ପ୍ରତିଜ୍ଞାତ ମସୀହ । (ଯୋହନ ୪:୨୫, ୨୬) ସେ ଏହା ମଧ୍ୟ କହିଥିଲେ ଯେ ସେ ହେଉଛନ୍ତି ସେହି ରାଜା, ଯାହାଙ୍କୁ ଭାବବାଦୀ ଦାନିଏଲ ଦର୍ଶନରେ ଦେଖିଥିଲେ । ଯୀଶୁ ନିଜ ପ୍ରେରିତମାନଙ୍କୁ କହିଥିଲେ ଯେ ଦିନେ ସେ “ଗୌରବମୟ ସିଂହାସନ”ରେ ଉପବିଷ୍ଟ ହେବେ ଏବଂ ସେମାନେ ମଧ୍ୟ ସିଂହାସନଗୁଡ଼ିକରେ ବସିବେ । (ମାଥିଉ ୧୯:୨୮) ସେ ସେହି ଶାସକମାନଙ୍କୁ “ସାନପଲ” ବୋଲି କହିଥିଲେ ଏବଂ ସେ ଏହା ମଧ୍ୟ କହିଥିଲେ ଯେ ତାହାଙ୍କ “ଅନ୍ୟ ମେଷଗୁଡ଼ିକ” ରହିଛି ଯାହା ଏହାର ଏକ ଭାଗ ନୁହେଁ ।—ଲୂକ ୧୨:୩୨; ଯୋହନ ୧୦:୧୬.

୨. ଈଶ୍ୱରଙ୍କ ରାଜ୍ୟ ପ୍ରକୃତ ନ୍ୟାୟ ସ୍ଥାପନ କରିବ । ଯୀଶୁ ଇଙ୍ଗିତ କରି କହିଥିଲେ ଯେ ତାହାଙ୍କ ରାଜ୍ୟ ସର୍ବବୃହତ ଅନ୍ୟାୟର ସମାଧାନ କରିବ । ଏହା କିପରି ସମ୍ଭବ ହେବ ? କେବଳ ତାହାଙ୍କ ରାଜ୍ୟ ହିଁ ଯିହୋବା ଈଶ୍ୱରଙ୍କ ନାମକୁ ପବିତ୍ର କରିବ ଓ ଏଦନ ଉଦ୍ୟାନରେ ବିଦ୍ରୋହ ପରଠାରୁ ଶୟତାନ ସେହି ନାମ ବିରୁଦ୍ଧରେ ଯେଉଁ ନିନ୍ଦା କରିଥିଲା, ତାହା ଏହି ରାଜ୍ୟ ଦୂର କରିବ । (ମାଥିଉ ୬:୯, ୧୦) ସ୍ତ୍ରୀ ଓ ପୁରୁଷ, ଧନୀ ଓ ଗରିବ ନିର୍ବିଶେଷରେ ଶିକ୍ଷା ଦେଇ ଯୀଶୁ ନିଜର ନିଷ୍ପକ୍ଷତାର ଏକ ନମୁନା ଦେଇଥିଲେ । ଯଦ୍ୟପି ଯୀଶୁଙ୍କ ମୂଖ୍ୟ ଲକ୍ଷ୍ୟ ଥିଲା ଇସ୍ରାଏଲିମାନଙ୍କୁ ଶିକ୍ଷା ଦେବା ତଥାପି ସେ ଶମିରୋଣୀୟ ଓ ଅନ୍ୟଜାତିମାନଙ୍କୁ ମଧ୍ୟ ସାହାଯ୍ୟ କରିବାକୁ ଆଗେଇ ଆସିଥିଲେ । ସେସମୟର ଧର୍ମ ଗୁରୁମାନଙ୍କ ଭଳି ପକ୍ଷପାତିର ଚିହ୍ନ ତାହାଙ୍କ ପାଖରେ ତିଳେମାତ୍ର ନ ଥିଲା ।

୩. ଈଶ୍ୱରଙ୍କ ରାଜ୍ୟ ଏହି ସଂସାରର ଭାଗ ହେବ ନାହିଁ । ଯୀଶୁଙ୍କ ସମୟରେ ରାଜନୈତିକ ଅସ୍ଥିର ଲାଗିରହୁଥିଲା । ତାହାଙ୍କ ନିଜ ଦେଶ ମଧ୍ୟ ବିଦେଶର ଅଧୀନରେ ଥିଲା । ତଥାପି, ଲୋକମାନେ ଯେତେବେଳେ ତାହାଙ୍କୁ ରାଜନୀତିରେ ସାମିଲ କରିବାକୁ ଚେଷ୍ଟା କଲେ ସେ ତାହା ପ୍ରତ୍ୟାଖ୍ୟାନ କଲେ । (ଯୋହନ ୬:୧୪, ୧୫) ସେ ଜଣେ ରାଜନେତାଙ୍କୁ କହିଥିଲେ: “ମୋହର ରାଜ୍ୟ ଏହି ସମ୍ବନ୍ଧୀୟ ନୁହେଁ ।” (ଯୋହନ ୧୮:୩୬) ତାହାଙ୍କ ଅନୁଗାମୀମାନଙ୍କୁ ସେ କହିଲେ: “ତୁମ୍ଭେମାନେ ଜଗତରୁ ଉତ୍ପନ୍ନ ହୋଇ ନାହଁ ।” (ଯୋହନ ୧୫:୧୯) ସେ ସେମାନଙ୍କୁ ଯୁଦ୍ଧ ଅସ୍ତ୍ର ବ୍ୟବହାର କରିବାକୁ ମନା କରି ଥିଲେ, ଏପରି କି ସେ ନିଜ ସୁରକ୍ଷା ପାଇଁ ମଧ୍ୟ ବ୍ୟବହାର କରେଇ ନଥିଲେ ।—ମାଥିଉ ୨୬:୫୧, ୫୨.

୪. ଖ୍ରୀଷ୍ଟଙ୍କ ଶାସନ ପ୍ରେମ ଉପରେ ଆଧାରିତ ହେବ । ଯୀଶୁ ପ୍ରତିଜ୍ଞା କରିଥିଲେ ଯେ ସେ ଲୋକଙ୍କୁ ସତେଜ କରିବା ସହିତ ସେମାନଙ୍କର ବୋଝ ହାଲୁକା କରିଦେବେ । (ମାଥିଉ ୧୧:୨୮-୩୦) ସେ ନିଜ କଥା ରଖିଥିଲେ । ସମସ୍ୟାର କିପରି ସମାଧାନ କରାଯାଏ, ଅନ୍ୟମାନଙ୍କ ସହ କିପରି ସୁସମ୍ପର୍କ ସ୍ଥାପନ କରାଯାଇ ପାରେ, ବସ୍ତୁବାଦୀତାରୁ ନିଜକୁ କିପରି ଦୂରେ ରଖାଯାଇ ପାରେ ଏବଂ ପ୍ରକୃତ ଆନନ୍ଦ କିପରି ପାଇବାକୁ ହୁଏ ଏହି ସମନ୍ଧରେ ଯୀଶୁ ପ୍ରେମପୂର୍ଣ୍ଣ ବ୍ୟବହାରିକ ଶିକ୍ଷା ଦେଇଥିଲେ । (ମାଥିଉ, ଅଧ୍ୟାୟ ୫-୭) ଯେହେତୁ ସେ ଲୋକଙ୍କୁ ଭଲ ପାଉଥିଲେ ତେଣୁ ସବୁପ୍ରକାର ଲୋକମାନେ ତାହାଙ୍କ ନିକଟକୁ ବିନା ସଂକୋଚରେ ଆସୁଥିଲେ । ଏପରି କି ଅତି ନିର୍ଯ୍ୟାତିତ ଲୋକମାନେ ମଧ୍ୟ ତାହାଙ୍କ ପାଖକୁ ଏହି ଭରସା ନେଇ ଆସୁଥିଲେ ଯେ ସେ ସେମାନଙ୍କୁ ଦୟାଦେଖେଇବେ ଏବଂ ସେମାନଙ୍କୁ ସମ୍ମାନର ସହ ବ୍ୟବହାର କରିବେ । ସତରେ, ଯୀଶୁ ଏକ ଅପୂର୍ବ ଶାସକ ହେବେ !

ଯୀଶୁ ଆଉ ଏକ ବିଶେଷ ଉପାୟରେ ଈଶ୍ୱରଙ୍କ ରାଜ୍ୟ ବିଷୟରେ ଶିକ୍ଷା ଦେଲେ । ସେ ଅନେକ ଆଶ୍ଚର୍ଯ୍ୟକର୍ମ କଲେ । ସେ ଏସବୁ କାହିଁକି କରିଥିଲେ ? ଆସନ୍ତୁ ଦେଖିବା ।

—ଏହା ମାଥିଉ, ମାର୍କ, ଲୂକ ଏବଂ ଯୋହନ ପୁସ୍ତକ ଉପରେ ଆଧାରିତ ।