ଲୋଟଙ୍କ ସ୍ତ୍ରୀର କଥା ସ୍ମରଣ କର

ସଦୋମରୁ ପଳାୟନ କରିବା ସମୟରେ ଲୋଟଙ୍କ ସ୍ତ୍ରୀ କାହିଁକି ପଛକୁ ଅନାଇଲା? ବାଇବଲରେ ଏବିଷୟରେ କିଛି ସ୍ପଷ୍ଟ ଭାବେ ଦିଆଯାଇ ନାହିଁ । (ଆଦି ୧୯:୧୭, ୨୬) ଯୀଶୁ ଦେଇଥିବା ଚେତାବନୀର ସନ୍ଦର୍ଭରୁ ଜଣାପଡ଼େ ଯେ ସେ ହୁଏତ ପଛରେ ଛାଡ଼ି ଆସିଥିବା ଜିନିଷସବୁ ପାଇବାକୁ ଇଚ୍ଛା କରିଥିବ । (ଲୂକ ୧୭:୩୧, ୩୨) ଠିକ୍‌ ଯେପରି ଲୋଟଙ୍କ ସ୍ତ୍ରୀ ସହିତ ଘଟିଲା, ଆମେ କିପରି ଈଶ୍ୱରଙ୍କ ମଞ୍ଜୁରି ହରାଇବାଠାରୁ ଦୂରେଇ ରହିପାରିବା? ଆମକୁ ଭୋଗବିଳାସର ଜିନିଷଗୁଡ଼ିକୁ ଜୀବନରେ ପ୍ରଥମ ସ୍ଥାନ ଦେବାଠାରୁ ଦୂରେଇ ରହିବାକୁ ହେବ । (ମାଥି ୬:୩୩) ଯୀଶୁ ଶିଖାଇଥିଲେ ଯେ ଆମେ ‘ଈଶ୍ୱର ଓ ଧନ, ଉଭୟର ଦାସ ହୋଇ ପାରିବା ନାହିଁ ।’ (ମାଥି ୬:୨୪) କିନ୍ତୁ, ହୁଏତ ଆମେ ଭୌତିକ ଜିନିଷଗୁଡ଼ିକୁ ଜୀବନରେ ଅଧିକ ମହତ୍ତ୍ୱ ଦେବା ଫଳରେ ଈଶ୍ୱରଙ୍କ ସେବା ସହ ଜଡ଼ିତ କାମଗୁଡ଼ିକୁ ଅଣଦେଖା କରିପାରୁ । ଏପରି ସମୟରେ ଆମେ କʼଣ କରିବା? ଆମେ ଯିହୋବାଙ୍କୁ ପ୍ରାର୍ଥନା କରିପାରିବା । ଆମକୁ କେଉଁ କେଉଁ କ୍ଷେତ୍ରରେ ପରିବର୍ତ୍ତନ ଆଣିବା ଜରୁରୀ, ତାହା ଜାଣିବା ପାଇଁ ବୁଦ୍ଧି ଏବଂ ଏପରି କରିବାରେ ଆବଶ୍ୟକ ହେଉଥିବା ସାହସ ଓ ଶକ୍ତି ପାଇଁ ତାହାଙ୍କୁ ପ୍ରାର୍ଥନା କରିପାରିବା ।

ଲୋଟଙ୍କ ସ୍ତ୍ରୀର କଥା ସ୍ମରଣ କର (ହିନ୍ଦୀ) ନାମକ ତିନି ଭାଗ ବିଶିଷ୍ଟ ଭିଡିଓକୁ ମନେ ପକାନ୍ତୁ ଏବଂ ଏହି ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• 

  ଗ୍ଲୋରିଆ ଅନ୍ୟମାନଙ୍କ ଚାପରେ ପଡ଼ି ଅଧିକରୁ ଅଧିକ ଟଙ୍କା ଅର୍ଜନ କରିବା ପରେ ତାଙ୍କ ଚିନ୍ତାଧାରା, କଥା ଓ ବ୍ୟବହାର କିପରି ବଦଳିଗଲା?

• ଲୋଟଙ୍କ ସ୍ତ୍ରୀ ସହିତ ଯାହା ଘଟିଲା, ତାହା ଆଜି ଆମ ପାଇଁ କିପରି ଏକ ଚେତାବନୀ ଅଟେ?

• ବାଇବଲର ସିଦ୍ଧାନ୍ତଗୁଡ଼ିକୁ ଲାଗୁ କରିବା ଦ୍ୱାରା ଜୋ ଓ ତାଙ୍କ ପରିବାରକୁ କିପରି ସାହାଯ୍ୟ ମିଳିଲା?

• କାମ କରିବା ଜାଗାରେ ଆନାଙ୍କ ସଙ୍ଗତି ଯୋଗୁଁ ଯିହୋବାଙ୍କ ସହିତ ତାଙ୍କ ସମ୍ପର୍କ କିପରି ଦୁର୍ବଳ ହୋଇଗଲା?

• ଟଙ୍କାପଇସାକୁ ଜୀବନରେ ପ୍ରଥମ ସ୍ଥାନ ଦେବା ପାଇଁ ଆମ ଉପରେ ଚାପ ପକାଯିବା ସମୟରେ ଆମକୁ କାହିଁକି ସାହସ ଜରୁରୀ?

• ବ୍ରାଏନ୍‌ ଓ ଗ୍ଲୋରିଆ ଈଶ୍ୱରଙ୍କ ସେବା ସହ ଜଡ଼ିତ କାମଗୁଡ଼ିକୁ କିପରି ଜୀବନରେ ପୁଣିଥରେ ପ୍ରଥମ ସ୍ଥାନ ଦେଲେ?

• ଏହି ଭିଡିଓରେ ଆପଣ ବାଇବଲର ଆଉ କେଉଁ କେଉଁ ସିଦ୍ଧାନ୍ତ ବିଷୟରେ ଶିଖିଲେ?