ଖ୍ରୀଷ୍ଟୀୟ ଜୀବନଯାପନ କରନ୍ତୁ
ଅଗ୍ରଦୂତ ସେବା କରି ଯିହୋବାଙ୍କର ପ୍ରଶଂସା କରନ୍ତୁ
ଇସ୍ରାଏଲୀୟମାନଙ୍କ ପାଖରେ ଯିହୋବାଙ୍କର ପ୍ରଶଂସା କରିବା ପାଇଁ ଅନେକ କାରଣ ଥିଲା । ସେ ସେମାନଙ୍କୁ ମିଶର ଦେଶରୁ ବାହାର କରି ଆଣିଥିଲେ ଏବଂ ଫାରୋର ସେନାଠାରୁ ରକ୍ଷା କରିଥିଲେ । (ଯାତ୍ରା ୧୫:୧, ୨) ଯିହୋବା ଆଜି ମଧ୍ୟ ନିଜ ଲୋକମାନଙ୍କୁ ବହୁତ ସାହାଯ୍ୟ କରନ୍ତି । ଆମେ କିପରି ଦେଖାଇପାରିବା ଯେ ଆମେ ଯିହୋବାଙ୍କଠାରେ କୃତଜ୍ଞ ?—ଗୀତ ୧୧୬:୧୨.
ଗୋଟିଏ ଉପାୟ ହେଉଛି, ଅଗ୍ରଦୂତ ସେବା ବା ସହଯୋଗୀ ଅଗ୍ରଦୂତ ସେବା କରିବା ଦ୍ୱାରା । ଯିହୋବାଙ୍କୁ ପ୍ରାର୍ଥନା କରନ୍ତୁ ଯେ ସେ ଆପଣଙ୍କଠାରେ ଅଗ୍ରଦୂତ ସେବା କରିବାର ଇଚ୍ଛା ସୃଷ୍ଟି କରନ୍ତୁ ଏବଂ ତାହା କରିବାକୁ ଶକ୍ତି ମଧ୍ୟ ଦିଅନ୍ତୁ । (ଫିଲିପ୍ ୨:୧୩) ଅନେକ ଭାଇଭଉଣୀ ସହଯୋଗୀ ଅଗ୍ରଦୂତ ସେବାରୁ ଆରମ୍ଭ କରିଥାʼନ୍ତି । ମାର୍ଚ୍ଚ ଓ ଏପ୍ରିଲ୍ ମାସରେ ଏବଂ ଯେଉଁ ମାସରେ ସର୍କିଟ ଅଧ୍ୟକ୍ଷ ପରିଦର୍ଶନ କରନ୍ତି, ସେତେବେଳେ ଆପଣ ୩୦ କିମ୍ବା ୫୦ ଘଣ୍ଟାର ସହଯୋଗୀ ଅଗ୍ରଦୂତ ସେବା କରିପାରିବେ । ସହଯୋଗୀ ଅଗ୍ରଦୂତ ସେବା କରିବା ଦ୍ୱାରା ଆପଣଙ୍କୁ ଯେଉଁ ଖୁସି ମିଳିବ, ସେଥିରୁ ହୁଏତ ଆପଣଙ୍କୁ ଅଗ୍ରଦୂତ ସେବା କରିବାକୁ ଇଚ୍ଛା ଲାଗିପାରେ । ଯେଉଁ ଭାଇଭଉଣୀମାନେ ସପ୍ତାହସାରା କାମ କରନ୍ତି କିମ୍ବା ଯେଉଁମାନଙ୍କ ସ୍ୱାସ୍ଥ୍ୟ ଠିକ୍ ରହେ ନାହିଁ, ସେମାନେ ମଧ୍ୟ ଅଗ୍ରଦୂତ ସେବା କରିପାରିଛନ୍ତି । (ସପୁ୧୬.୦୭-ହି ପୃ ୮) ସତରେ, ଅଗ୍ରଦୂତ ସେବା କରି ଆମେ ଯିହୋବାଙ୍କର ପ୍ରଶଂସା କରୁ, ଯାହାର ସେ ଅଧିକାରୀ ଅଟନ୍ତି !—୧ବଂଶା ୧୬:୨୫.
ମଙ୍ଗୋଲିଆର ତିନି ଭଉଣୀ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ଅଗ୍ରଦୂତ ସେବା କରିବା ପାଇଁ ଏହି ତିନି ଭଉଣୀ କେଉଁସବୁ ସମସ୍ୟାକୁ ପାର କଲେ ?
ଅଗ୍ରଦୂତ ସେବାରୁ ସେମାନଙ୍କୁ କେଉଁସବୁ ଆଶିଷ ମିଳିଲା ?
ଅଗ୍ରଦୂତ ସେବା କରିବା ଯୋଗୁଁ ସେମାନଙ୍କୁ ଆଉ କେଉଁ ଉପାୟରେ ଯିହୋବାଙ୍କ ସେବା କରିବାର ସୁଯୋଗ ମିଳିଲା ?
ଏହି ତିନି ଭଉଣୀଙ୍କର ଅନ୍ୟମାନଙ୍କ ଉପରେ କʼଣ ପ୍ରଭାବ ପଡ଼ିଲା ?