ପାଠ ୪୬
ସମର୍ପଣ କରିବା ଓ ବାପ୍ତିସ୍ମ ନେବା କାହିକି ଜରୁରୀ ଅଟେ ?
ଯେତେବେଳେ ଜଣେ ବ୍ୟକ୍ତି ଯିହୋବାଙ୍କୁ ନିଜ ଜୀବନ ସମର୍ପଣ କରେ, ସେତେବେଳେ ସେ ତାଙ୍କୁ ପ୍ରାର୍ଥନା କରେ ଓ ପ୍ରତିଜ୍ଞା କରେ ଯେ ସେ କେବଳ ତାଙ୍କର ହିଁ ଉପାସନା କରିବ ଓ ତାଙ୍କ ଇଚ୍ଛାକୁ ନିଜ ଜୀବନରେ ପ୍ରଥମ ସ୍ଥାନ ଦେବ । (ଗୀତସଂହିତା ୪୦:୮) ତାʼପରେ ସେ ବାପ୍ତିସ୍ମ ନିଏ । ବାପ୍ତିସ୍ମ ନେଲା ପରେ ଅନ୍ୟମାନେ ଜାଣିପାରନ୍ତି ଯେ ସେ ଯିହୋବାଙ୍କୁ ନିଜ ଜୀବନ ସମର୍ପଣ କରିଛି । ଯିହୋବାଙ୍କୁ ସମର୍ପଣ କରିବା ଜୀବନର ସବୁଠୁ ବଡ଼ ନିଷ୍ପତ୍ତି ଅଟେ । ଏହି ମହତ୍ତ୍ୱପୂର୍ଣ୍ଣ ନିଷ୍ପତ୍ତି ନେବା ପାଇଁ ତାକୁ କେଉଁ କେଉଁ କଥା ସାହାଯ୍ୟ କରିବ ? ଆସନ୍ତୁ ଜାଣିବା ।
୧. କେଉଁ କଥା ଜଣେ ବ୍ୟକ୍ତିକୁ ସମର୍ପଣ କରିବା ପାଇଁ ସାହାଯ୍ୟ କରିବ ?
ଯିହୋବାଙ୍କ ପାଇଁ ପ୍ରେମ ଜଣେ ବ୍ୟକ୍ତିକୁ ସମର୍ପଣ କରିବା ପାଇଁ ସାହାଯ୍ୟ କରିବ । (୧ ଯୋହନ ୪:୧୦, ୧୯) ବାଇବଲ ଆମକୁ ପ୍ରୋତ୍ସାହନ ଦିଏ, “ତୁମ୍ଭେ ଆପଣା ସମସ୍ତ ଅନ୍ତଃକରଣ, ସମସ୍ତ ପ୍ରାଣ, ସମସ୍ତ ମନ ଓ ସମସ୍ତ ଶକ୍ତି ଦେଇ ପ୍ରଭୁ ଆପଣା ଈଶ୍ୱରଙ୍କୁ ପ୍ରେମ କର ।” (ମାର୍କ ୧୨:୩୦) ଆମେ କେବଳ ନିଜ କଥାରେ ନୁହେଁ, ବରଂ ନିଜ କାମରେ ବି ଦେଖାଉ ଯେ ଆମେ ତାଙ୍କୁ ପ୍ରେମ କରୁ । ଯେପରି ଯଦି ଜଣେ ପୁଅଝିଅ ପରସ୍ପରକୁ ପ୍ରେମ କରନ୍ତି, ତାହେଲେ ସେମାନେ ବିବାହ କରିବେ । ଠିକ୍ ସେହିପରି ଯଦି ଆମେ ଯିହୋବାଙ୍କୁ ପ୍ରେମ କରୁ, ତାହେଲେ ଆମେ ନିଜ ଜୀବନ ତାଙ୍କୁ ସମର୍ପଣ କରିବା ଓ ବାପ୍ତିସ୍ମ ନେବା ।
୨. ଯେଉଁମାନେ ବାପ୍ତିସ୍ମ ନେଇ ଯିହୋବାଙ୍କ ସାକ୍ଷୀ ହୁଅନ୍ତି, ସେମାନଙ୍କୁ ଯିହୋବା କʼଣ କʼଣ ଆଶିଷ ଦିଅନ୍ତି ?
ବାପ୍ତିସ୍ମ ନେଲା ପରେ ଯିହୋବା ଆପଣଙ୍କ ପିତା ହୋଇଯିବେ ଏବଂ ଆପଣ ତାଙ୍କ ପରିବାରର ସଦସ୍ୟ ହୋଇଯିବେ । ଏହାପରେ ଆପଣ ଅନେକ ଉପାୟରେ ଯିହୋବାଙ୍କ ପ୍ରେମକୁ ଅନୁଭବ କରିପାରିବେ ଏବଂ ତାଙ୍କ ସହିତ ଆପଣଙ୍କ ସମ୍ପର୍କ ଆହୁରି ମଜବୁତ୍ ହୋଇଯିବ । (ମଲାଖି ୩:୧୬-୧୮ ପଢ଼ନ୍ତୁ ।) ତାʼସହିତ ଆପଣଙ୍କୁ ସାରା ଦୁନିଆରେ ଖ୍ରୀଷ୍ଟୀୟ ଭାଇଭଉଣୀ ମିଳିବେ, ଯେଉଁମାନେ ଆପଣଙ୍କୁ ଓ ଯିହୋବା ଈଶ୍ୱରଙ୍କୁ ବହୁତ ପ୍ରେମ କରନ୍ତି । (ମାର୍କ ୧୦:୨୯, ୩୦ ପଢ଼ନ୍ତୁ ।) ବାପ୍ତିସ୍ମ ନେବା ପୂର୍ବେ ଆପଣଙ୍କୁ କିଛି ପଦକ୍ଷେପ ଉଠାଇବାକୁ ପଡ଼ିବ । ଯିହୋବାଙ୍କ ବିଷୟରେ ଶିଖିବାକୁ ପଡ଼ିବ, ତାଙ୍କୁ ପ୍ରେମ କରିବାକୁ ପଡ଼ିବ ଓ ତାଙ୍କ ପୁତ୍ରଙ୍କ ଉପରେ ବିଶ୍ୱାସ କରିବାକୁ ପଡ଼ିବ । ତାʼପରେ ଆପଣଙ୍କୁ ନିଜ ଜୀବନ ଯିହୋବାଙ୍କୁ ସମର୍ପଣ କରିବାକୁ ପଡ଼ିବ । ଏସବୁ କଲାପରେ ଆପଣ ବାପ୍ତିସ୍ମ ନେବେ, ଯାହାଫଳରେ ଆପଣଙ୍କୁ ସବୁଦିନ ଯାଏଁ ଖୁସିରେ ବଞ୍ଚିବାର ସୁଯୋଗ ମିଳିବ । ତେଣୁ ପରମେଶ୍ୱରଙ୍କ ବାକ୍ୟରେ ଲେଖାଅଛି, ‘ବାପ୍ତିସ୍ମ ତୁମ୍ଭମାନଙ୍କୁ ପରିତ୍ରାଣ କରୁଅଛି ।’—୧ ପିତର ୩:୨୧.
ଭାବନ୍ତୁ ଓ ଶିଖନ୍ତୁ
ଜାଣନ୍ତୁ ଯେ ଯିହୋବାଙ୍କୁ ନିଜ ଜୀବନ ସମର୍ପଣ କରିବା ଓ ବାପ୍ତିସ୍ମ ନେବା ଆପଣଙ୍କ ପାଇଁ କାହିଁକି ଜରୁରୀ ।
୩. ଆମ ସମସ୍ତଙ୍କୁ ନିଷ୍ପତ୍ତି ନେବାକୁ ପଡ଼ିବ ଯେ ଆମେ କାହାର ସେବା କରିବା
ପ୍ରାଚୀନ ସମୟରେ କିଛି ଇସ୍ରାଏଲୀୟ ଭାବୁଥିଲେ ଯେ ସେମାନେ ଯିହୋବାଙ୍କୁ ଉପାସନା କରିବା ସହ ମିଥ୍ୟା ଦେବତା ବାଲ୍କୁ ମଧ୍ୟ ଉପାସନା କରିପାରିବେ । କିନ୍ତୁ ସେମାନଙ୍କ ଏହି ଭୁଲ ଧାରଣାକୁ ସୁଧାରିବା ପାଇଁ ଯିହୋବା ନିଜ ଭବିଷ୍ୟଦ୍ବକ୍ତା ଏଲୀୟଙ୍କୁ ତାଙ୍କ ପାଖକୁ ପଠାଇଲେ । ୧ ରାଜାବଳୀ ୧୮:୨୧ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:
ଇସ୍ରାଏଲୀୟମାନଙ୍କୁ କʼଣ ନିଷ୍ପତ୍ତି ନେବାର ଥିଲା ?
ଇସ୍ରାଏଲୀୟମାନଙ୍କ ଭଳି ଆମକୁ ମଧ୍ୟ ନିଷ୍ପତ୍ତି ନେବାକୁ ପଡ଼ିବ ଯେ ଆମେ କାହାର ସେବା କରିବା । ଲୂକ ୧୬:୧୩ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
ଯିହୋବାଙ୍କ ଉପାସନା କରିବା ସହ ଆମେ କାହିଁକି ଅନ୍ୟ କାହାରିକୁ କିମ୍ବା ଅନ୍ୟ କୌଣସି ଜିନିଷକୁ ଉପାସନା କରିପାରିବା ନାହିଁ ?
ଆପଣ ଯିହୋବାଙ୍କୁ କିପରି ଦେଖାଇପାରିବେ ଯେ ଆପଣ କେବଳ ତାଙ୍କୁ ହିଁ ଉପାସନା କରିବାର ନିଷ୍ପତ୍ତି ନେଇଛନ୍ତି ?
୪. ଭାବନ୍ତୁ ଯେ ଯିହୋବା ଆପଣଙ୍କୁ କେତେ ପ୍ରେମ କରନ୍ତି
ଯିହୋବା ଆମକୁ ବହୁତଗୁଡ଼ିଏ ବହୁମୂଲ୍ୟ ଉପହାର ଦେଇଛନ୍ତି । ଆମେ ତାʼବଦଳରେ ତାଙ୍କୁ କʼଣ ଦେଇପାରିବା ? ଭିଡିଓ ଦେଖନ୍ତୁ ।
ଯିହୋବା କେଉଁ କେଉଁ ଉପାୟରେ ଆମକୁ ପ୍ରେମ ଦେଖାଇଛନ୍ତି, ଆସନ୍ତୁ ସେଗୁଡ଼ିକ ଉପରେ ଧ୍ୟାନ ଦେବା । ଗୀତସଂହିତା ୧୦୪:୧୪, ୧୫ ଓ ୧ ଯୋହନ ୪:୯, ୧୦ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
ଆପଣ ଯିହୋବାଙ୍କଠାରୁ ମିଳିଥିବା କେଉଁ ଉପହାରଗୁଡ଼ିକ ପାଇଁ କୃତଜ୍ଞ ଅଛନ୍ତି ?
ଏହି ଉପହାରଗୁଡ଼ିକ ପାଇ ଆପଣ ଯିହୋବାଙ୍କ ବିଷୟରେ କିପରି ଅନୁଭବ କରନ୍ତି ?
ଯେତେବେଳେ ଆମକୁ କୌଣସି ଉପହାର ଭଲ ଲାଗେ, ସେତେବେଳେ ଆମେ ଉପହାର ଦେଇଥିବା ବ୍ୟକ୍ତି ପାଇଁ ନିଜ କୃତଜ୍ଞତା ଦେଖାଇବା ଚାହୁଁ ଏବଂ ତାଙ୍କ ପାଇଁ କିଛି କରିବାକୁ ଚାହୁଁ । ଦ୍ୱିତୀୟ ବିବରଣ ୧୬:୧୭ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:
ଯେତେବେଳେ ଆପଣ ସମୟ କାଢ଼ି ଏହା ଭାବନ୍ତି ଯେ ଯିହୋବା ଆପଣଙ୍କ ପାଇଁ କେତେ କʼଣ କରିଛନ୍ତି, ତାʼବଦଳରେ ଆପଣ ତାଙ୍କ ପାଇଁ କʼଣ କରିବାକୁ ଚାହିଁବେ ?
୫. ସମର୍ପଣ କଲେ ଅନେକ ଆଶିଷ ମିଳେ
ଅନେକ ଲୋକ ଭାବନ୍ତି ଯେ ଭଲ କ୍ୟାରିଅର ଓ ପଇସା ଥିଲେ କିମ୍ବା ସମାଜରେ ବଡ଼ ଲୋକ ହେଲେ ହିଁ ଜଣେ ବ୍ୟକ୍ତି ସତରେ ଖୁସିରେ ରହିପାରିବ । କିନ୍ତୁ କʼଣ ଏହା ସତ ? ଭିଡିଓ ଦେଖନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ ।
ଭିଡିଓରେ ଥିବା ଖେଳାଳିଙ୍କୁ ଫୁଟବଲ୍ ଖେଳିବା ବହୁତ ପସନ୍ଦ ଥିଲା । ତଥାପି ସେ କାହିଁକି ଏହି କ୍ୟାରିଅରକୁ ଛାଡ଼ିଦେଲେ ?
ସେ ନିଷ୍ପତ୍ତି ନେଲେ ଯେ ସେ ଫୁଟବଲ୍ରେ ନୁହେଁ, ବରଂ ଯିହୋବାଙ୍କ ସେବାରେ ନିଜ ମନ ପ୍ରାଣ ଲଗାଇବେ । ଆପଣ କʼଣ ଭାବନ୍ତି, ସେ ଯାହା ନିଷ୍ପତ୍ତି ନେଲେ, କʼଣ ତାହା ଠିକ୍ ଥିଲା ? ଆପଣ ଏପରି କାହିଁକି କହିପାରିବେ ?
ଖ୍ରୀଷ୍ଟିୟାନ ହେବା ପୂର୍ବରୁ ପ୍ରେରିତ ପାଉଲ ଗୋଟିଏ ଭଲ କ୍ୟାରିଅର କରିବା ପାଇଁ ଉଚ୍ଚ ଶିକ୍ଷା ନେଉଥିଲେ । ସେ ଜଣେ ପ୍ରସିଦ୍ଧ ଶିକ୍ଷକଙ୍କଠାରୁ ଯିହୁଦୀ ଆଇନ କାନୁନ ଶିଖୁଥିଲେ । କିନ୍ତୁ ଖ୍ରୀଷ୍ଟିୟାନ ହେବା ପାଇଁ ସେ ଏସବୁକୁ ଛାଡ଼ିଦେଲେ । କʼଣ ପାଉଲଙ୍କୁ ଏହା ପାଇଁ କିଛି ଅବଶୋଷ ଥିଲା ? ଫିଲିପ୍ପୀୟ ୩:୮ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
ଖ୍ରୀଷ୍ଟିୟାନ ହେବା ପୂର୍ବରୁ ପାଉଲ ଯେଉଁ କଥାଗୁଡ଼ିକ ପଛରେ ଯାଉଥିଲେ, ସେଗୁଡ଼ିକୁ ସେ “ଆବର୍ଜନା” ବୋଲି କାହିଁକି କହିଲେ ?
ପାଉଲ ଯାହାସବୁ ଛାଡ଼ିଲେ, ତାʼବଦଳରେ ସେ କʼଣ ପାଇଲେ ?
ଆପଣଙ୍କୁ ସବୁଠୁ ବେଶି ଖୁସି କେଉଁଥିରୁ ମିଳିପାରିବ, ଯିହୋବାଙ୍କ ସେବା କଲେ ନା ଜୀବନରେ ଆଉ କିଛି ହାସଲ କଲେ ? ଆପଣ ଏପରି କାହିଁକି କହିପାରିବେ ?
ଖ୍ରୀଷ୍ଟିୟାନ ହେବା ପାଇଁ ପାଉଲ ଯାହା କିଛି ତ୍ୟାଗ କରିଥିଲେ, ତାʼଠାରୁ କାହିଁ କେତେ ଅଧିକ ସେ ପାଇଲେ
କିଛି ଲୋକ କହନ୍ତି: “ମୁଁ ସମର୍ପଣ କରିବି, କିନ୍ତୁ ଏବେ ନୁହେଁ ।”
ଯିହୋବାଙ୍କୁ ନିଜ ଜୀବନ ସମର୍ପଣ କରିବା କାହିଁକି ଜରୁରୀ ?
ଆମେ କʼଣ ଶିଖିଲୁ ?
ଯିହୋବାଙ୍କ ପାଇଁ ପ୍ରେମ ଆମକୁ ନିଜ ଜୀବନ ତାଙ୍କୁ ସମର୍ପଣ କରିବା ପାଇଁ ଓ ବାପ୍ତିସ୍ମ ନେବା ପାଇଁ ପ୍ରେରିତ କରେ ।
ଆପଣ କʼଣ କହିବେ ?
ଆମେ କାହିଁକି କେବଳ ଯିହୋବାଙ୍କୁ ଉପାସନା ଓ ପ୍ରେମ କରିବା ଉଚିତ୍ ?
ଯେଉଁ ଲୋକମାନେ ବାପ୍ତିସ୍ମ ନେଇ ଯିହୋବାଙ୍କ ସାକ୍ଷୀ ହୁଅନ୍ତି, ସେମାନଙ୍କୁ ସେ କʼଣ କʼଣ ଆଶିଷ ଦିଅନ୍ତି ?
କʼଣ ଆପଣ ନିଜ ଜୀବନ ଯିହୋବାଙ୍କୁ ସମର୍ପଣ କରିବାକୁ ଚାହିଁବେ ?
ଅଧିକ ଜାଣନ୍ତୁ
ଦୁଇଜଣ ଯୁବା ସଙ୍ଗୀତ ଓ ଖେଳରେ ନିଜ କ୍ୟାରିଅର କରିବା ପରିବର୍ତ୍ତେ ଯିହୋବାଙ୍କୁ ନିଜ ଜୀବନ କାହିଁକି ସମର୍ପଣ କଲେ ? ଆସନ୍ତୁ ଦେଖିବା ।
ଆପଣ କାହିଁକି ନିଜ ଜୀବନ ଯିହୋବାଙ୍କୁ ସମର୍ପଣ କରିବା ଉଚିତ୍, ତାʼର ଆଉ କିଛି କାରଣଗୁଡ଼ିକ ପ୍ରତି ଧ୍ୟାନ ଦିଅନ୍ତୁ ।
“ଆମେ କାହିଁକି ନିଜ ଜୀବନ ଯିହୋବାଙ୍କୁ ସମର୍ପଣ କରିବା ଉଚିତ୍ ?” (ପ୍ରହରୀଦୁର୍ଗ-ହି, ୧୫ ଜାନୁୟାରୀ, ୨୦୧୦)
ସଙ୍ଗୀତର ଏହି ଭିଡିଓରେ ଦେଖନ୍ତୁ ଯେ ଯେଉଁ ଲୋକମାନେ ଯିହୋବାଙ୍କୁ ନିଜ ଜୀବନ ସମର୍ପଣ କରି ବାପ୍ତିସ୍ମ ନେଉଛନ୍ତି, ସେମାନଙ୍କୁ କେତେ ଖୁସି ମିଳୁଛି ।
“ଅନେକ ବର୍ଷରୁ ମୁଁ ଭାବୁଥିଲି, ‘ଆମକୁ କାହିଁକି ସୃଷ୍ଟି କରାଯାଇଛି ?’” ଏହି କାହାଣୀରେ ଜାଣନ୍ତୁ ଯେ ଜଣେ ମହିଳା କାହିଁକି ଭାବିବାକୁ ଲାଗିଲେ ଯେ କେଉଁ କଥା ତାଙ୍କ ଜୀବନରେ ସବୁଠୁ ଅଧିକ ମହତ୍ତ୍ୱ ରଖେ ।