ପ୍ରେମ ସତ୍ୟ ଖ୍ରୀଷ୍ଟିୟାନମାନଙ୍କର ପରିଚୟ—ସ୍ୱାର୍ଥପରତା ଏବଂ ସହଜରେ ରାଗିବାଠାରୁ ଦୂରେଇ ରହନ୍ତୁ

ଏହା କାହିଁକି ମହତ୍ତ୍ୱପୂର୍ଣ୍ଣ: ଯୀଶୁ କହିଥିଲେ ଯେ ପ୍ରେମ ତାହାଙ୍କ ଶିଷ୍ୟମାନଙ୍କର ପରିଚୟ ହେବ । (ଯୋହ ୧୩:୩୪, ୩୫) ତାହାଙ୍କ ଭଳି ଅନ୍ୟମାନଙ୍କୁ ପ୍ରେମ କରିବାକୁ ହେଲେ ଆମକୁ ସେମାନଙ୍କର ହିତ ବିଷୟରେ ଭାବିବାକୁ ହେବ ଏବଂ ଆମେ ସେମାନଙ୍କ ଉପରେ ବିରକ୍ତ ହେବା ଉଚିତ୍‌ ନୁହେଁ ।—୧କରି ୧୩:୫.

ଏହା କିପରି କରିପାରିବା:

• ଯଦି କାହାରି କଥା କିମ୍ବା ବ୍ୟବହାର ଆପଣଙ୍କୁ କଷ୍ଟ ଦିଏ, ତେବେ ଟିକେ ରହିଯାଇ ଭାବନ୍ତୁ ଯେ ସେ ଏପରି କାହିଁକି କରିଥିବେ ଏବଂ ଆପଣ ରାଗିଲେ କʼଣ ପରିଣାମ ହୋଇପାରେ ।—ହିତୋ ୧୯:୧୧

• ଅପରିପୂର୍ଣ୍ଣ ହୋଇଥିବାରୁ ଆମେ ବେଳେ ବେଳେ ଏପରି କିଛି କହୁ କିମ୍ବା କରୁ, ଯାହାଫଳରେ ପରେ ଆମେ ପଶ୍ଚାତାପ କରୁ

• କାହାରି ସହ ମତାନ୍ତର ହେଲେ ତୁରନ୍ତ ସମାଧାନ କରନ୍ତୁ

‘ପରସ୍ପରକୁ ପ୍ରେମ କରନ୍ତୁ’—ସ୍ୱାର୍ଥପରତା ଏବଂ ସହଜରେ ରାଗିବାଠାରୁ ଦୂରେଇ ରହନ୍ତୁ (ହିନ୍ଦୀ) ନାମକ ଭିଡିଓ ଦେଖନ୍ତୁ ଏବଂ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ତରୁଣଙ୍କ ପରାମର୍ଶ ଶୁଣି ଲୁଇସ୍‌ କʼଣ କଲେ?

• ତରୁଣ ନିଜ ରାଗ ଉପରେ କାହିଁକି କାବୁ କରିପାରିଲେ?

• ତରୁଣ ଯେତେବେଳେ ନମ୍ରତାର ସହ ଉତ୍ତର ଦେଲେ, ତାʼର କʼଣ ପରିଣାମ ହେଲା?