1 Reyes

3 Nubye̱, Acab bi zofo Abdías, näꞌä mrä encargado de rä ngu. (Abdías xa mi pe̱ꞌspäbi nꞌa rä hogä ntsu Jeoba. 12 Ora gä ma, rä mäkä tsꞌe̱di Jeoba ma dä zixꞌäꞌi hadifäꞌä habu̱. ꞌNe mu̱ gä abisabi Acab ꞌne näꞌä hindä diñꞌäꞌi, zäi ge ma dä hyogi. Pe nunä ri ꞌme̱go xä me̱ꞌspäbi rä hogä ntsu Jeoba dende mrä bäsjäꞌi. 13 Mä zi hmuu, ¿hage hinto bi xiꞌi näꞌä dä pe̱fi nuꞌmu̱ Jezabel bi mända dä tho nuꞌu̱ yä profeta Jeoba? ¿Himbi siꞌi ge dä ägi 100 yä profeta Jeoba ha yoho yä grupo de 50, ꞌne go dä häꞌspäbi rä thuhme ꞌne rä dehe? 14 ꞌNe nubye̱ gä ehe ꞌne gi xikägi: “Gi ma gi xipabi ri hmuu: «Bi zo̱ho̱ Elías»”. Zäi ge ma dä hyogägi». 21 ꞌNepu̱ Elías bi joni habu̱ mi yꞌo nuꞌu̱ yä jäꞌi ꞌne bi ꞌñenä: «¿Asta hämꞌu̱ ma gi sigi gi yꞌohu̱ ko nꞌa ri uahu̱ ha nꞌa rä ꞌñuu ꞌne mä nꞌa ri uahu̱ ha mä nꞌa rä ꞌñuu? ¡Mu̱ gi handihu̱ ge Jeoba geꞌä rä Zi Dada xa mäjuäni, nuꞌmu̱ go dä de̱nihu̱ꞌä! ¡Pe mu̱ gi handihu̱ ge Baal go geꞌä, nuꞌmu̱ go dä de̱nihu̱!». Pe yä jäꞌi bi gotätho yä ne ꞌne hinte bi dädi.