Salmos

25 Toꞌo hingi he̱kꞌäꞌi, nuꞌi hingi he̱gi ꞌnehe; ꞌne nꞌa rä jäꞌi näꞌä hinte mä tsꞌoki o̱tꞌe, hinte mä tsꞌoki gi o̱tuäbi; 26 Ko näꞌä toꞌo ꞌmu̱i xä ntꞌaxi, nuꞌi ma gi ꞌñuti ge nuꞌu̱ ri ꞌñuu xä ntꞌaxi; pe ko näꞌä toꞌo xä no̱nge rä ꞌñuu, nuꞌi nguntꞌä ma gi da ngue̱nda. 30 Rä ꞌñuu Äjuä xi xä ntꞌaxi; yä noya rä Zi Dada Jeoba hinte mä tsꞌoki di ñꞌoui. Näꞌä nꞌa rä ntaki pa gatꞌho nuꞌu̱ di jooni Kongeꞌä. 35 Nuꞌi gi rꞌakägi ri ntaki pa gi ñängägi. Ko ri yꞌe̱ rä ñꞌe̱i gi to̱xkägi, ꞌne ora gi ndoki pa gi faxkägi, gi eskägi mä nsu. 39 Nuꞌi go ma gi rꞌakägi rä tsꞌe̱di pa gä tähä rä tuhni; ma gi japäbi nuꞌu̱ mä nkontra dä dagi ante geki. 46 ¡Rä Zi Dada Jeoba hää ꞌmu̱i! ¡Drä nsunda näꞌä rä Däta Ndo̱do habu̱ di ntaki! ¡Drä tꞌeꞌspäbi rä nsu näꞌä mä Äjuä di ñängägi!