Josué

7 »Ho̱nse̱ ogi tsu ꞌne xa dä ze̱di, ꞌne jamäsu de gi pe̱fi gatꞌho nuꞌu̱ yä mhända bi mändaꞌi mä ꞌme̱go Moisés. Ogi ꞌuege de gehya pa ha ri ñꞌe̱i nixi pa ha ri ngähä, pa njabu̱ gi pädi gi pe̱fi näꞌä xä ñho habu̱ gatꞌho gi ma. 8 Nunä rä mfistꞌofo de rä ley hindä ꞌuege de ri ne, ꞌne mä pa ꞌne mu̱ nxui pe̱ꞌtsi te gi hñeti ꞌne gi hñudi gi ntso̱ꞌmi, pa njabu̱ gi pe̱fi gatꞌho näꞌä hutsꞌi ha nunä ley; mu̱ gi jabu̱, ma dä maꞌi xä ñho ha ri ꞌñuu ꞌne nuꞌmu̱ ma gi pädi näꞌä gi pe̱fi.