2 Corintios

4 Ngeꞌä nuꞌu̱ mä arhmähu̱ de gä tuhni, hingä ngu nuꞌu̱ yä arhmä usa yä mexiꞌmhai, sino ke nuꞌu̱ mä arhmähu̱ bi ehe de Äjuä ꞌne hämpäbi rä tsꞌe̱di pa dä yo̱ꞌte nuꞌu̱ yä tsꞌo mfeni ꞌne yä nzäi xa xä megi ngu nꞌa rä jädo näꞌä xa tse̱di. 5 Ngeꞌä nuju̱ di yo̱ꞌtehu̱ gatꞌho nuꞌu̱ yä tsꞌo mfeni ꞌne yä nzäi xa xä megi ngu nꞌa rä jädo näꞌä xa tse̱di ꞌne di nju̱tsꞌi kontra näꞌä rä mfädi bi ehe de Äjuä. Hää, di ju̱hu̱ gatꞌho yä mfeni ngu nꞌa rä yꞌofadi pa di obligabihu̱ dä yꞌo̱te rä Kristo.