Juan

2 Rä hñupaꞌä bi nja nꞌa rä nthäti ha näꞌä rä luga rä thuhu Caná de rä hnini Galilea, ꞌne mi yꞌoni ꞌnehe rä nänä rä Hesu. 2 ꞌNehe bri mbitabi rä Hesu ꞌne nuꞌu̱ yä de̱ni. 3 Ora ya ma xä thege rä binu, rä nänä rä Hesu bi ꞌñembäbi: «Ya otho rä binu». 4 Pe rä Hesu bi dädi: «ꞌMe̱hñä, ¿xi pate go gi turimu̱i ꞌne go gi xikägi? Mä ora, tobe hinxä zo̱ho̱». 5 Rä nänä rä Hesu bi ꞌñembäbi nuꞌu̱ toꞌo xki thutsꞌi pa dä uni rä binu: «Pe̱fihu̱ gatꞌho näꞌä dä mändaꞌihu̱». 6 Mi tihni rꞌato yä barri de gä do pa mi sitꞌi rä dehe ꞌne xki tꞌehni pa dä nxu̱yꞌe̱ yä judío. Kada nꞌa de nuꞌu̱ yä barri mi ñꞌe̱ni ngu yoho o hñu tꞌe̱ni rä dehe. 7 Rä Hesu bi ꞌñembiꞌu̱: «Ñutsihu̱ ko rä dehe nuyu̱ yä barri». Hänge nuꞌu̱ bi yꞌo̱de ꞌne bi ñuꞌtsi xä ñho nuꞌu̱ yä barri. 8 ꞌNepu̱ bi ꞌñembäbiꞌu̱: «Yꞌaꞌtsihu̱ nꞌa tu̱i ꞌne hñäꞌspäbihu̱ näꞌä toꞌo di nkargo de rä ngo». Hänge nuꞌu̱ bi me̱fi njabu̱. 9 Ora näꞌä jäꞌi mi nkargo de rä ngo bi preba näꞌä rä dehe xki mpu̱ngä binu, —koꞌmu̱ himi pädi habu̱ xki thäi näꞌä rä binu, mäske nuꞌu̱ yä maxte hää mi pädi habu̱ xki gu̱ki näꞌä rä binu—, bi yꞌadi dä ñäui rä nobio 10 ꞌne bi ꞌñembäbi: «Gatꞌho yä jäꞌi mꞌe̱tꞌo uni rä hogä binu, ꞌne ora yä imbitado ya dä nti nubye̱ umbäbi nuꞌu̱ yä corriente binu. Pe nuꞌi asta mꞌe̱fa gä ju̱ki näꞌä rä hogä binu». 11 Gehnä bi me̱fi rä Hesu ha Caná de rä hnini Galilea. Geꞌä rä mu̱di milagro. Njabu̱ bi nheki näꞌä rä däta nsu mi pe̱ꞌtsi, ꞌne nuꞌu̱ yä de̱ni mänꞌa bi gamfri.