Filipenses

4 Xa dä johyahu̱ nzäntho po ränge rä Zi Hmuu. Mänꞌaki di xiꞌähu̱: ¡xa dä johyahu̱! 5 Dä bäꞌähu̱ gatꞌho yä jäꞌi ge nuꞌähu̱ gyä hojäꞌihu̱ ꞌne gi pähu̱ gi ntiendehu̱. Rä zi Hmuu ꞌmu̱i getbu̱. 6 Ote gi turimu̱ihu̱. Näꞌä gi yꞌo̱thu̱, pa gatꞌho yä tꞌo̱tꞌe xatuäbihu̱ ꞌne bäntebihu̱ Äjuä. Umbäbihu̱ njamädi ꞌne japäbihu̱ dä bädi näꞌä gi ne gi yꞌapäbihu̱; 7 ꞌne näꞌä rä tsaya rꞌakägihu̱ Äjuä —ꞌne hinto ma dä za dä ntiende—, geꞌä ma dä su ri korasohu̱ ꞌne ri mfenihu̱ po mädee de Ñhesukristo. 13 Pa gatꞌho yä tꞌo̱tꞌe nuga di pe̱ꞌtsi rä tsꞌe̱di, jamädi näꞌä toꞌo di rꞌakägi rä tsꞌe̱di.