Salmos

15 Oh Jeoba, ¿toꞌo dä za dä mꞌu̱i ha ri nguu? ¿Toꞌo ma dä za dä mꞌu̱i ha ri mäkä tꞌo̱ho̱? 2 Näꞌä toꞌo yꞌo mänjuäntho, o̱tꞌe rä justisia ꞌne nzäntho mää näꞌä mäjuäni ha rä koraso. 3 Näꞌä hindi usa rä jäne pa dä gu̱xä yä calumnia. Näꞌä hingi o̱tpäbi rä ntsꞌomꞌu̱i rä mikꞌei, ꞌne näꞌä hingi no̱ni pa dä mänchabi rä thuhu yä amigo. 4 Näꞌä di rechaza nuꞌu̱ di meresebi dä nhumäñꞌu̱. Pe umbäbi rä tꞌekꞌei nuꞌu̱ toꞌo pe̱ꞌspäbi nꞌa rä hogä ntsu Jeoba. ꞋNe näꞌä kumpli näꞌä xä promete, mäske rꞌabu̱ go di ꞌme̱di. 5 Näꞌä hinxä hmi rä bojä pa dä yꞌadi yä interes, ꞌne mäske dri juꞌti pa dä mängä yä nkꞌuamba kontra nꞌa rä jäꞌi näꞌä hinte mä thai tu, näꞌä hingi asepta. Nꞌa rä jäꞌi njabu̱, nunka toꞌo ma dä huäꞌtsi.