Eclesiastés

3 Pa gatꞌho yä tꞌo̱tꞌe xä thutsꞌi nꞌa rä tiempo; ja nꞌa rä tiempo pa gatꞌho näꞌä di tꞌo̱tꞌe nuua ha rä xiꞌmhai: 2 nꞌa rä tiempo pa toꞌo dä mꞌu̱i ꞌne nꞌa rä tiempo pa toꞌo dä du; nꞌa rä tiempo pa toꞌo dä ꞌñetꞌi nꞌa rä planta ꞌne nꞌa rä tiempo pa toꞌo dä kꞌu̱ꞌtsi; 3 nꞌa rä tiempo de gä nthote ꞌne nꞌa rä tiempo de gä ntꞌo̱the; nꞌa rä tiempo pa te gi yo̱ꞌte ꞌne nꞌa rä tiempo pa gi ju̱tsꞌi. 4 nꞌa rä tiempo de gä tsꞌoni ꞌne nꞌa rä tiempo de gä thede; nꞌa rä tiempo de gä dumu̱i ꞌne nꞌa rä tiempo de gä nhei; 7 ja nꞌa rä tiempo pa te gä tu̱nihu̱ ꞌne ja nꞌa rä tiempo pa te gä ꞌue̱tihu̱; ja nꞌa rä tiempo pa gä koꞌtä mä nehu̱ ꞌne ja nꞌa rä tiempo pa gä ñähu̱; 11 Näꞌä bi hyoki gatꞌho mähotho a tiempo. ꞌNe asta xä hñuꞌspäbiꞌu̱ ha yä koraso dä ne dä mꞌu̱i pa nzäntho; pe yä mexiꞌmhai nunka ma dä zo̱ho̱ dä bädi gatꞌho näꞌä xä me̱fi näꞌä rä Zi Dada xa mäjuäni. 12 Nuga xtä handi ge otho mä nꞌa rä tꞌo̱tꞌe mänꞌa xä ñho pa geꞌu̱ ke dä johya ꞌne dä yꞌo̱tꞌe näꞌä xä ñho durante yä te; 13 ꞌnehe, ge gatꞌho yä jäꞌi dä ñuni ꞌne dä ntsithe ꞌne dä johya po gatꞌho rä ꞌme̱fi. Nunä nꞌa rä regalo de Äjuä. 20 Gatꞌho ri ma ha nꞌatꞌä rä luga. Gatꞌho xpä ehe de rä hai ꞌne gatꞌho ma dä mengi ha rä hai.