Salmos

34 Nuga ma gä nsunda Jeoba mä pa rä xui; mä ne nzäntho ma dä nsundaꞌä. 4 Dä ambäbi rä Zi Dada Jeoba te gä pe̱fi ꞌne näꞌä bi dädi mä sadi. Näꞌä bi hñägägi gatꞌho nuꞌu̱ mä ntsu ndi ñꞌoꞌme. 7 Rä e̱nxe̱ Jeoba yꞌo ha gatꞌho rä nthetsꞌi de nuꞌu̱ pe̱ꞌspäbi nꞌa rä hogä ntsu Äjuä ꞌne di ñäni. 8 Tsahu̱ ꞌne hyanthu̱ ge Jeoba xa rä hojäꞌi; xa di johya näꞌä rä jäꞌi di ntaki kongeꞌä. 9 Nuꞌähu̱ xä tꞌekꞌäꞌihu̱, pe̱ꞌtsuäbihu̱ rä tꞌekꞌei, ngeꞌä hinte di ꞌme̱päbi nuꞌu̱ toꞌo pe̱ꞌtsuäbi nꞌa rä hogä ntsu. 10 Asta nuꞌu̱ yä lion xa tihi ꞌne tse̱di, xä thogi rä thuhu. Pe nuꞌu̱ honi rä Zi Dada Jeoba, hinte ma dä mꞌe̱päbi. 11 Guä ehu̱ zi ihohu̱ ꞌne yꞌo̱xkägihu̱. Ma gä utꞌäꞌihu̱ te ri bo̱ni gi peꞌspäbihu̱ rä ntsu Jeoba. 12 ¿Toꞌo de geꞌähu̱ di disfruta de rä bida ꞌne dä nehmä dä hyandi ndunthi yä pa xä ñho? 13 Nuꞌmu̱, tsämi ri jäne pa hingi mängä näꞌä xä ntsꞌo, ꞌne tsämi ri ne pa hingi mängä yä nkꞌuamba. 14 ꞌUege de näꞌä xä ntsꞌo ꞌne pe̱fi näꞌä xä ñho; ogi hongä yä tuhni ꞌne hyoni nꞌa rä hogä ntsitsꞌi ko märꞌaa. 15 Yä da Jeoba xä hñutsꞌi ha nuꞌu̱ yä jäꞌi o̱tꞌe näꞌä xä ñho, ꞌne yä gu o̱tsꞌe nuꞌu̱ mafi pa adi rä mfatsꞌi. 16 Pe rä hmi Jeoba ꞌmu̱i kontra nuꞌu̱ pe̱fi yä kosa xä ntsꞌo, ꞌne ma dä hñäki de rä xiꞌmhai pa ya hinto dä beniꞌu̱. 18 Jeoba ꞌmu̱i getbu̱ de nuꞌu̱ xa tuyämu̱i; Näꞌä di ñäni nuꞌu̱ xa ꞌmu̱i desanimädo. 19 Xi ndunthi nuꞌu̱ yä xuñha thogi yä hojäꞌi, pe Jeoba di ñäni de gatꞌhoꞌu̱. 20 Näꞌä supäbi gatꞌho yä ndoyꞌoꞌä; ꞌne ninꞌa de geꞌu̱ hinxä thempäbi.