2 Crónicas

26 ꞌNepu̱ gatꞌho yä jäꞌi de Judá bi hñutsꞌi Uzías de gä rey nuꞌmu̱ mi pe̱ꞌtsi 16 nje̱ya, ꞌne go geꞌä bi hñudi bi mända en lugar de näꞌä rä dada mrä thuhu Amasías. 2 Näꞌä bi hyoki mänꞌaki näꞌä rä hnini mrä thuhu Elot ꞌne bi ntregabi rä hnini Judá mꞌe̱fa de bi du rä rey Amasías. 3 Uzías mi pe̱ꞌtsi 16 nje̱ya nuꞌmu̱ bi zo̱ho̱ bi nrey, ꞌne bi mända po 52 nje̱ya. Rä nänä Uzías mrä thuhu Jecolías ꞌne mrä mengu Jerusalén. 4 Uzías bi me̱fi näꞌä xä ñho ante yä da Jeoba, ja ngu xki me̱fi näꞌä rä dada. 5 Uzías bi hyoni Äjuä mientra mi te Zacarías. Nuni go gehni bi ꞌñuti Uzías dä ñꞌo ha rä ꞌñuu Äjuä. Uzías bi mabi xä ñho durante näꞌä rä tiempo bi hyoni Jeoba.