Proverbios

2 Toꞌo yꞌo mänjuäntho, pe̱ꞌspäbi rä hogä ntsu Jeoba. Pe toꞌo huahni nꞌa rä ꞌñuu xä ntsꞌo, udi ge di u̱tsa. 14 Ogi ku̱tꞌi ha rä ꞌñuu yä tsꞌomꞌu̱i jäꞌi nixi ogi yꞌo ha rä ꞌñuu yä yꞌo̱tꞌä tsꞌoki. 15 Nꞌa rä dondo kamfri gatꞌho näꞌä sipäbi, pe toꞌo ja rä mfeni mꞌe̱tꞌo handi xä ñho te ma dä me̱fi. 16 Rä bämhñä di mbeni mꞌe̱tꞌo pa te dä me̱fi ꞌne di ꞌuege de näꞌä xä ntsꞌo, pe rä dondo hindi mbeni mꞌe̱tꞌo näꞌä ma dä me̱fi ꞌne mänꞌa kamfri näꞌä di mbenise̱. 30 Nꞌa rä koraso näꞌä ꞌmu̱i tranquilo, umbäbi rä nzaki rä ndoyꞌo. Pe yä njuntꞌe̱i japi dä yꞌaa yä ndoyꞌo.