Proverbios

9 Näꞌä xa mäjuäni rä mfädi xä hyoki rä nguu; ꞌne xä ꞌmaꞌmpäbi yoto yä castillo. 2 Xä hyoki xä ñho yä ngo̱; xä thäntsꞌi rä binu; ꞌne xä hñuxä rä mexa. 3 Xä me̱hni rꞌa yä ꞌme̱hñä nuꞌu̱ yä ꞌme̱go pa dä bo̱tsꞌe ha rä ñäntho̱ ꞌne dä ꞌñenä ntsꞌe̱di: 4 «¡Gatꞌho nuꞌu̱ hinte yä fädi dä ekua!». ꞌNepu̱ embäbi nuꞌu̱ otho yä juisio: 5 «¡Guä ehu̱, tsihu̱ nunä mä thuhme ꞌne tsihu̱ nunä rä binu xtä thäntsꞌi! 6 ¡Ya tso̱hu̱bu̱ rä ndondo ꞌne dä nja ri juisiohu̱, ñäni ri bidahu̱! ¡Yꞌohu̱ ha näꞌä rä ꞌñuu utꞌäꞌihu̱ ndaꞌä xä ñho ꞌne ndaꞌä hinä!». 10 Gä pe̱ꞌspäbihu̱ rä hogä ntsu Jeoba, ja gekua fu̱di rä mfädi. ꞌNe näꞌä rä mfädi bi ehe de Äjuä geꞌä jakägihu̱ gä ntiendehu̱. 13 Näꞌä rä donda ꞌme̱hñä otho rä juisio, xa mafi, xa hinte rä fädi ꞌne ꞌñenä otho rä mfeni. 14 Rä nguu bi to̱ge ha rä ñäntho̱ rä hnini. ꞌNe xä hñudi ha rä goxthi nguu 15 pa maꞌti ꞌne taki nuꞌu̱ thogi ha rä ꞌñuu ꞌnepu̱ embäbi: 16 «¡Gatꞌho nuꞌu̱ hinte yä fädi dä ekua!». ꞌNepu̱ embäbi nuꞌu̱ otho yä juisio: 17 «¿Gi pädi? Mänꞌa xä ñꞌu nuꞌu̱ yä dehe xä mfe, ꞌne mänꞌa xä ku̱hi näꞌä rä thuhme gi tsi de gä ntꞌägi». 18 Pe nuꞌu̱ nixi di da ngue̱nda ge ri ma habu̱ xä dagi ꞌne xä du märꞌaa, hingi pädi ge nuꞌu̱ märꞌa yä imbitado, ja xä ntꞌagini.