Romanos

6 David bi mää te di senti nꞌa rä jäꞌi näꞌä mäske rä pekador, Äjuä embäbi ge hinte mä tsꞌoki tu —pe hingä po näꞌä xä me̱fi—. David enä: 7 «Dä me̱ꞌtsi ndunthi rä johya nuꞌu̱ toꞌo xrä pumbäbi nuꞌu̱ yä tsꞌo tꞌo̱tꞌe xä me̱fi ꞌne dri borrabi yä pekado. 8 Dä me̱ꞌtsi ndunthi rä johya näꞌä rä jäꞌi xä ꞌñenä rä Zi Dada Jeoba ge hingä ma dä hñäꞌspäbi ngue̱nda nuꞌu̱ yä pekado xä yꞌo̱tꞌe». 11 ꞌNe näꞌä bi hñäni nꞌa rä märka —rä circuncisión— ngu nꞌa rä sello näꞌä di garantisa ge mäske näꞌä tobe hixki circuncida, näꞌä xki me̱ꞌspäbi rä jamfri Äjuä. Geꞌä bi thogi, ꞌne njabu̱ Abrahán bi zo̱ho̱ bi ndada de gatꞌho nuꞌu̱ pe̱ꞌspäbi rä jamfri Äjuä. Ngeꞌä mäske nuꞌu̱ hinxä circuncida, Äjuä xä numäñho ngeꞌä nuꞌu̱ xä ꞌñudi nꞌa rä däta jamfri. 23 Pe nuꞌmu̱ rä Abrahán bi tꞌembäbi ge «hinte mä tsꞌoki mi tu», nuya yä noya himbi tꞌofo ho̱nse̱ pa geꞌä, 24 sino pa nuju̱ ꞌnehe, ngeꞌä di kamfrihu̱ Näꞌä toꞌo bi gu̱tsꞌi rä Hesu de rä du.