Salmos

27 Jeoba geꞌä mä ñotꞌi ꞌne mä ñänte. ¿Toꞌo ma gä tsu? Jeoba geꞌä mä ntaki. ¿Toꞌo ma dä pikägi? 2 Ora bi joni nuꞌu̱ yä tsꞌomꞌu̱i pa xä zi mä ngo̱, nuꞌu̱ mä nkontra bi mfeꞌtsäse̱ ꞌne bi dagi. 3 Mäske yä soldado dä hñuxä nꞌa rä kampamento kontra geki, mä koraso hingä ma dä ntsu. Mäske nꞌa rä gerra dä xotꞌi kontra geki, nuga hinte ma gä tsu. 4 Nꞌa rä tꞌo̱tꞌe xtä apäbi Jeoba —geꞌä ma gä honi— Ge dä za gä ꞌmu̱ ha rä ngu Jeoba po gatꞌho mä te, pa gä handi näꞌä rä ñhojäꞌi ꞌne pa gä handi ko ndunthi rä jamädi rä templo. 10 Mu̱ mä dada ꞌne mä nänä dä bandonägi, rä Zi Dada Jeoba go geꞌä ma dä nkargo dä sugägi. 13 ¿Habu̱ grä yꞌobye̱ mu̱ hixtä pe̱ꞌtsi rä komfiansa de gä handi rä ñhojäꞌi Jeoba habu̱ ꞌmu̱i yä mexiꞌmhai? 14 Pe̱ꞌspä rä komfiansa Jeoba; ogi tsu ꞌne dä ze̱di ri koraso. Hää, pe̱ꞌspä rä komfiansa Jeoba.