Génesis

39 Nubye̱, nuꞌu̱ yä ismaelita bi zitsꞌi José pa Egipto. ꞌNe ha Egipto nꞌa rä ñꞌo̱ho̱ mrä thuhu Potifar —näꞌä mrä jefe de nuꞌu̱ yä soldado faraón ꞌne mi mpe̱fi ha rä gobiernu— go geꞌä bi dai José. 2 Pe rä Zi Dada Jeoba nzäntho mi fatsꞌi José. Hänge gatꞌho näꞌä mi pe̱fi mi po̱ni xä ñho, ꞌne Potifar bi nkargobi gatꞌho rä nguu. 3 Rä hmuu bi hyandi ge rä Zi Dada Jeoba mi fatsꞌi José, ꞌne ge rä Zi Dada Jeoba go geꞌäse̱ mi nkargo dä bo̱ni xä ñho gatꞌho näꞌä mi pe̱fi José. 4 Hänge Potifar bi sigi bi numäñho José ꞌne bi hñutsꞌi ngu rä maxte de gä komfiansa ꞌne bi nkargobi rä nguu ꞌne nuꞌu̱ yä kosa mi pe̱ꞌtsi. 5 Hänge dende nuꞌmu̱ Potifar bi nkargobi José gatꞌho rä nguu ꞌne gatꞌho nuꞌu̱ yä kosa mi pe̱ꞌtsi, rä Zi Dada Jeoba bi mu̱di jäpäbi rä nguu Potifar. Rä Zi Dada Jeoba bi jäpäbi tanto rä nguu ngu nuꞌu̱ yä hai mi pe̱ꞌtsi. 6 Ko rä tiempo, gatꞌho nuꞌu̱ yä kosa mi pe̱ꞌtsi Potifar bi yꞌe̱ntꞌuäbi ha yä yꞌe̱ José. Hänge Potifar ya himi te rä bida po rä nguu nixi po nuꞌu̱ yä kosa mi pe̱ꞌtsi ꞌne ho̱nse̱ mi mända dä thokuäbi näꞌä mi ne dä zi. Ko rä tiempo, José xa mi tsꞌu̱ngänza ꞌne xa mi ja rä nzaki. 7 Nubye̱, rä ꞌme̱hñä Potifar bi mu̱di bi ho José ꞌne bi ꞌñembäbi: «Mꞌe̱ni kongeki». 8 Pe näꞌä himbi ne ꞌne bi ꞌñembäbi näꞌä ꞌme̱hñä: «Mä hmuu hingi pädi gatꞌho näꞌä pe̱ꞌtsi nuua ha rä nguu, ꞌne xä me̱skägi rä komfiansa ꞌne xä nkargogi gä supäbi gatꞌho. 9 Mä hmuu go xä rꞌakägi rä autorida ha rä nguu. ꞌNe gatꞌho näꞌä pe̱ꞌtsi go xä yꞌe̱ntꞌä ha mä yꞌe̱, menu nuꞌi, ngeꞌä nuꞌi rä ꞌme̱hñäꞌi. Hänge, ¿hanja ma gä beni gä pe̱fi nunä ntsꞌomꞌu̱i ꞌne gä o̱tꞌe nꞌa rä däta pekado kontra Äjuä?». 10 Pe näꞌä ꞌme̱hñä himi o̱de ꞌne hyaxtho mi xaxi José. Pe näꞌä nunka bi asepta dä mꞌe̱ngui nixi dä gohi dä ñäui. 11 Pe nꞌa rä pa, José bi yu̱tꞌi ha rä nguu Potifar pa dä ja rä ꞌme̱fi ja ngu mi ja nzäntho, ꞌne mboo mi joꞌo nuꞌu̱ märꞌa yä ꞌme̱go. 12 Nubye̱, näꞌä ꞌme̱hñä bi pe̱ntꞌi José ꞌne bi ꞌñembäbi: «¡Mꞌe̱ni kongeki!». Pe José bi mfu̱ki ꞌne bi nextꞌi bi ma. Pe näꞌä ꞌme̱hñä bi zämbäbi yä dutu. 13 Mi hyandi ge ho̱nse̱ xki logra xki hñämbäbi rä dutu 14 näꞌä ꞌme̱hñä bi mu̱di bi maꞌti nuꞌu̱ märꞌa yä ꞌme̱go ꞌne bi ꞌñembäbi: «¡Hyanthu̱! Nuni ndä hebreo bä tsinkähu̱ua mä däme mi ne xä ja rä ntꞌenigihu̱, ꞌne ma xä obligagi gä äꞌme, pe nuga hindä ne ꞌne xa dä mafi ntsꞌe̱di. 15 ꞌNe mi hyandi ge dä tho̱ yä mhafi, bi bo̱ni rä nhextꞌi ꞌne asta bi zokua rä hee». 21 Pe rä Zi Dada Jeoba bi sigi bi matsꞌi José ꞌne nunka bi bandonä. Go geꞌä bi nupäbi rä mfeni näꞌä rä ndä de rä fadi pa bi numäñho José. 22 Hänge näꞌä rä ndä de rä fadi bi yꞌe̱ntꞌuäbi ha yä yꞌe̱ José gatꞌho nuꞌu̱ märꞌa yä yꞌofadi. Nubye̱ José go geꞌä bi tsꞌokuäbi dä hyandi ꞌne dä xipäbi te dä me̱fi nuꞌu̱ märꞌa yä yꞌofadi. 23 ꞌNe näꞌä rä ndä de rä fadi ya nixi mi apäbi ngue̱nda José näꞌä xki yꞌe̱ntꞌuäbi ha yä yꞌe̱, ngeꞌä Jeoba go mi fatsꞌi José ꞌne go geꞌä mi nkargo dä bo̱nibi xä ñho gatꞌho näꞌä mi pe̱fi.