Gálatas

19 Nubye̱, gehnä rä paha rä ndoyꞌo rä mexiꞌmhai: pe̱fi yä pekado ko yä ndoyꞌo, pe̱fi yä tꞌo̱tꞌe hingi tꞌaxi, pe̱fi yä pekado nsi yä tsa, 20 di xo̱kämbeni yä idolo, pe̱fi yä espiritismo, yä ntꞌu̱tsate, yä tuhni, yä guntꞌe̱i, yä kue̱, yä ntsa noya, yä ntꞌeꞌtsäte, yä sekta, 21 yä embidia, yä nti, yä dängo habu̱ nogo yä jäꞌi, ꞌne märꞌa yä tꞌo̱tꞌe nguyatho. Nuga di xiꞌähu̱ mänꞌaki, ja ngu ya xtä xiꞌähu̱, ge nuꞌu̱ toꞌo pe̱fi nuya yä tꞌo̱tꞌe, hingä ma dä hñäni de gä erensia rä Tsꞌu̱tꞌhui Äjuä. 22 Pe rä espiritu santo, japäbi nꞌa rä jäꞌi dä me̱ꞌtsi rä mhäte, rä johya, nꞌa rä hogä ntsitsꞌi, rä pasensia, rä tꞌekꞌei, rä ñhojäꞌi, rä jamfri, 23 rä calma, ꞌne japäbi dä dominä rä mfeni. Hingi ja nꞌa rä ley näꞌä di nkontraui nuya yä hogä mꞌu̱i.