2 Pedro

3 Mꞌe̱tꞌo mähyoni gi pädihu̱ ge ha yä gäxä pa, ma dä ꞌñepu̱ yä zixtemä ko yä burla ꞌne nuꞌu̱ ma dä me̱fi näꞌä go dä neꞌu̱. 4 Nuꞌu̱ ma dä ꞌñenä: «¿Habu̱ ja näꞌä bi mängä rä Hesu ge ma dä yopä pengi? Dende nuꞌmu̱ bi du nuꞌu̱ mä xitahu̱, rä xiꞌmhai hinxä mpadi ꞌne ꞌmu̱i njabu̱tho dende nuꞌmu̱ bi thoki». 8 Pe ogi pumfrihu̱ zi kuhu̱ ge pa rä Zi Dada Jeoba, nꞌa pa ꞌñenä ngu nꞌa mꞌo nje̱ya ꞌne nꞌa mꞌo nje̱ya ꞌñenä go nꞌa pa. 9 Jeoba hingi tarda pa dä kumpli yä promesa, ja ngu di mbeni rꞌa yä jäꞌi. Pe näꞌä pe̱ꞌtsi rä pasensia pa kongeꞌähu̱, ngeꞌä Näꞌä hingi ne dä hyandi dä du ninꞌa rä jäꞌi, sino ke Näꞌä ne dä hyandi ge gatꞌho dä zo̱ho̱ dä arrepenti. 10 Pe näꞌä rä pa Jeoba ma dä ehe ngu nꞌa rä be, ꞌne ha nunä pa, mähetsꞌi ma dä thogi nguntꞌä ko nꞌa rä däta ngani, pe xti patꞌi nuꞌu̱ yä tꞌo̱tꞌe konte xä thoki mähetsꞌi ꞌne rä xiꞌmhai, ma dä de̱ni ꞌne ma dä nheki rä xiꞌmhai ꞌne nuꞌu̱ yä tꞌo̱tꞌe. 11 Mu̱ gatꞌho yä tꞌo̱tꞌe ma dä uadi njaua, ¡beñhu̱ te mä mꞌu̱i gi ne gi pe̱ꞌtsihu̱! Mähyoni ge hyaxtho gi pe̱ꞌtsihu̱ nꞌa rä mꞌu̱i xä ntꞌaxi ꞌne gi pe̱päbihu̱ Äjuä ja ngu di ho, 12 mientra xa gi to̱ꞌmihu̱ dä ꞌñepu̱ rä pa rä Zi Dada Jeoba. Ha nunä pa, mähetsꞌi ma dä nzo̱o̱ ꞌne ma dä uadi ko rä tsibi ꞌne gatꞌho nuꞌu̱ yä tꞌo̱tꞌe jani ma dä deni ko yä faspi.