Salmos

119 Pe̱ꞌtsi rä johya nuꞌu̱ yꞌo mänjuäntho ha yä ꞌñuu, nuꞌu̱ yꞌo ha rä ley Jeoba. 9 ¿Te mähyoni dä me̱fi nꞌa rä tsꞌu̱ntꞌu̱ pa dä zitsꞌi nꞌa rä ꞌñuu xä ntꞌaxi? Debe dä nsu ꞌne dä me̱fi näꞌä gi mända ha ri noya. 32 Xa ma gä o̱tꞌe ntsꞌe̱di pa gä yꞌo ha näꞌä rä ꞌñuu habu̱ ja nuꞌu̱ ri mhända, ngeꞌä nuꞌi gi japäbi mä koraso dä me̱tsꞌäꞌi rä komfiansa. 34 Rꞌakägi rä mfädi pa njabu̱ gä pe̱fi ko ngatꞌho mä koraso näꞌä huxä ha ri ley. 37 Japäbi mä da dä thogi ndelante pa hindä hyandi nuꞌu̱ yä tꞌo̱tꞌe hinte yä muui; faxkägi pa gä yꞌo ha ri ꞌñuu. 47 Hängu di numäñho ri mhända, hää, xa di mädi. 63 Nuga di ñꞌamigoꞌme nuꞌu̱ tuyämu̱i po näꞌä gi mbeni ꞌne nuꞌu̱ pe̱fi näꞌä gi mända. 66 Faxkägi dä nja mä juisio ꞌne rꞌakägi rä mfädi, ngeꞌä nuga di pe̱ꞌspäbi rä komfiansa nuꞌu̱ ri mhända. 81 Hängu di to̱ꞌmi gi ñängägi, ngeꞌä ri noya hubgä mä mu̱i. 96 Nuga xtä handi ge gatꞌho näꞌä ꞌmu̱i perfecto pe̱ꞌtsi yä limite, pe ri mhända hingi ja yä limite. 97 «¡Hängu di mädi ri ley! Ho̱nse̱ geꞌä o ha mä mfeni gatꞌho rä pa». 99 Nuga mänꞌa ja mä mfädi ke gatꞌho nuꞌu̱ mä xahnäte, ngeꞌä xa di e̱ntꞌä ha mä mfeni nuꞌu̱ ri fenäte. 105 Ri noya geꞌä nꞌa rä lampara pa mä ua, ꞌne nꞌa rä ñotꞌi pa mä ꞌñuu. 111 Di handi nuꞌu̱ ri fenäte ngu nꞌa rä erensia näꞌä ma gä pe̱ꞌtsi pa nzäntho, ngeꞌä geꞌu̱ japi dä johya mä koraso. 112 Di ꞌmu̱i desidido gä pe̱fi ri mhända nzäntho asta rä fin. 128 Hänge di handi ge ꞌmu̱i xä ñho gatꞌho nuꞌu̱ ri mända ꞌne ri tsꞌofo; ꞌne di u̱tsa gatꞌho nuꞌu̱ yä ꞌñuu xä ntsꞌo. 138 Nzäntho xä ñho nuꞌu̱ yä fenäte gi rꞌakägihe ꞌne nunka di faya. 160 Ri mäkä noya di ñꞌoui ho̱nse̱ näꞌä mäjuäni, ꞌne gatꞌho nuꞌu̱ ri mhända dura pa nzäntho. 163 Di u̱tsa näꞌä hingä mäjuäni. Hää, xa di tsꞌo. Pe ri ley xa di mädi. 165 Nꞌa rä mꞌu̱i temäꞌentho pe̱ꞌtsi nuꞌu̱ xa di mädi ri ley, ꞌne pa geꞌu̱ hinte mä tꞌo̱tꞌe dä za dä japäbi dä mfeꞌtse.